चीनने केली महाविनाशकारी मिसाईलची चाचणी,अमेरिकेची चिंता वाढली

जगात दबदबा निर्माण करण्यासाठी चीनने आता अंतराळाकडे आपले हातपाय पसरायला सुरुवात केली आहे. एका नव्या अहवालानुसार चीनने अंतराळातून नवीन हायपरसाॅनिक मिसाईलची (Hypersonic Missile) चाचणी केली आहे. यात वेगवेगळ्या सूत्रांच्या आधारे सांगितले आहे, की गेल्या ऑगस्ट महिन्यात या मिसाईलची चाचणी करण्यात आली होती. फायनान्शियल टाईम्सच्या रिपोर्टनुसार मिसाईलने पृथ्वीची खालची कक्षा किंवा लो ऑर्बिटमध्ये फेऱ्या मारल्या होत्या. मात्र आपल्या लक्ष्यापर्यंत जाण्यापासून ३२ किलोमीटर दूर राहिले. हायपरसाॅनिक मिसाईल्स (China) बनवल्यामुळे अमेरिकन गुप्तचर संस्था अस्वस्थ झाल्या आहेत. चीन व्यतिरिक्त अमेरिका, रशिया आणि कमीत-कमी पाच देश सध्या हायपरसाॅनिक तंत्रज्ञानावर काम करित आहेत. हायपरसाॅनिक मिसाईल, पारंपरिक बॅलिस्टिक मिसाईल्सप्रमाणे अणुवस्त्र घेऊन जाऊ शकतात. हायपरसाॅनिक मिसाईल हे ध्वनीच्या गतीपेक्षा पाच पटीने वेगवान असतात. दोन्हीमधील मोठा फरक म्हणजे बॅलिस्टिक मिसाईल अंतराळात उंचावर उडू शकतात.

दुसरीकडे हायपरसाॅनिक मिसाईल वातावरणात बऱ्याच कमी अंतरावरुन उडून आपल्यात लक्ष्यापर्यंत खूप वेगाने पोहोचू शकतात. हायपरसाॅनिक मिसाईल्स शोधणे आणि ती नष्ट करणे बऱ्याचदा अवघड होते. मात्र अमेरिकेसारख्या देशाने असे सिस्टम विकसित केले आहे जे क्रूज आणि बॅलिस्टिक मिसाईल्सपासून संरक्षण करु शकते. मात्र आतापर्यंत हायपरसाॅनिक मिसाईल्सवर नजर ठेवणे आणि ती नष्ट करणारे तंत्रज्ञ अद्यापही विकसित करण्यात आलेले नाही. अमेरिका व चीन यांचे संबंध तणावपूर्ण असताना हायपरसाॅनिक मिसाईल्सची चाचणी घेण्यात आली आहे. दुसरीकडे चीनने तैवानबाबत कडक भूमिका घ्यायला सुरुवात केली आहे.