

Red Crab Migration
Esakal
ऑस्ट्रेलियातील ख्रिसमस आयलंडवर सध्या एक अनोखं दृश्य पाहायला मिळत आहे. जंगलातून लाखो लाल खेकडे बाहेर पडले असून ते समुद्राच्या दिशेने निघाले आहेत. रस्ते असोत किंवा समुद्रकिनारे जिकडे तिकडे लाल खेकडे दिसत आहेत. हा नजारा पाहण्यासाठी पर्यटकही मोठ्या संख्येने बेटावर येत आहेत. दरवर्षी होणारं हे स्थलांतर निसर्गातल्या अद्भुत आणि वैशिष्ट्यपूर्ण घटनांपैकी एक मानलं जातं. या बेटावर सुमारे १० कोटी लाल खेकडे असल्याचा अंदाज आहे.