कोरोना अहवालावर अडले रुग्णालय अन् आठ महिन्यांच्या बाळाचा गर्भातच मृत्यू| Fetal Death | Sakal
sakal

बोलून बातमी शोधा

Baby Boom

कोरोना अहवालावर अडले रुग्णालय अन् बाळाचा गर्भातच मृत्यू

बाळंतपणाने त्रस्त असलेली महिला उपचारासाठी रुग्णालयात दाखल होण्यासाठी आली होती. मात्र, रुग्णालय प्रशासनाने तिला कोविड चाचणी केल्याशिवाय दाखल करून घेणार नाही, असे सांगितले. रुग्णालयाच्या निष्काळजीपणामुळे आठ महिन्यांच्या बाळाचा आईच्या पोटातच मृत्यू झाला. यानंतर रुग्णालय प्रशासनावर टीका झाल्यानंतर उच्च आरोग्य अधिकाऱ्याने माफी मागितली. ही घटना चीनमध्ये घडली.

चीनमध्ये कोरोनाचे रुग्ण वाढायला सुरुवात झाली आहे. यामुळे अनेक ठिकाणी निर्बंध लादण्यात आले आहेत. मध्य चीनमधील शिआन शहरातील नागरिकांना घरातच राहण्याच्या सूचना देण्यात आल्या आहेत. ही घटना याच शहरात घडल्याची सांगण्यात येते. एक जानेवारीला महिलेच्या नातेवाइकाने सोशल मीडियावर पोस्ट करून घटनेचा उल्लेख केला होता.

हेही वाचा: UPSC : ओमिक्रॉनचं संकट, परीक्षा वेळापत्रकानुसारच! हायकोर्टाने याचिका फेटाळली

पोस्टमध्ये त्यांनी घटनेचे फोटो आणि व्हिडिओही शेअर केले आहेत. ज्यामध्ये प्रसूती वेदनांनी ओरडणारी महिला रुग्णालयाबाहेर प्लॅस्टिकच्या स्टूलवर बसलेली दिसत आहे. तसेच रक्त सांडल्याचे दिसत आहे. नंतर ही पोस्ट डिलीट करण्यात आली. तोपर्यंत लाखो नागरिकांनी ती बघितली. यानंतर लोकांनी रुग्णालय प्रशासनावर टीका केली होती.

कोरोनाचा निगेटिव्ह अहवाल नसल्याने रुग्णालयातील कर्मचाऱ्यांनी गर्भवतीला सुमारे दोन तास रुग्णालयात दाखल केले नाही. महिलेच्या नातेवाइकाने वेबो या प्लॅटफॉर्मवर ही घटना सांगितली. मात्र, या पोस्टची अद्याप पुष्टी झालेली नाही. या घटनेनंतर शिआनच्या आरोग्य आयोगाचे संचालक लिऊ शुन्झी पुढे आले आणि त्यांनी या घटनेबद्दल माफी मागितल्याची माहिती ‘एएफपी’ या वृत्तसंस्थेने दिली आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top