Cyber Crime : 300 हून अधिक भारतीय थायलंडमध्ये ओलीस; काम न केल्यास अमानुष छळ

थायलंडमध्ये ३०० हून अधिक भारतीय नागरिकांना ओलीस ठेवण्यात आल्याचा धक्कादायक प्रकार घडला आहे. या नागरिकांकडून सायबर गुन्हे करवून घेतले जात आहेत. त्यांनी हे गुन्हे करण्यास नकार दिल्यास त्यांचा अमानुष छळ केल्याचीही माहिती मिळत आहे.

ओलीस ठेवण्यात आलेल्यांमध्ये ३०० हून अधिक भारतीय नागरिकांचा समावेश आहे. त्याचसोबत इतर देशातले काही नागरिकही आहेत. या भारतीयांमध्ये ६० लोक तामिळनाडूमधले आहेत. ओलीस ठेवलेल्या या लोकांकडून भारत सरकारकडे आपल्याला सुखरुप सोडवण्यासाठीच्या याचना केल्या जात आहे.

ओलीस ठेवण्यात आलेल्या काही भारतीयांना म्यानमारच्या म्यावाडी इथं हलवण्यात आलं आहे. इथल्या लोकांचा तिथे नेऊन छळ केला जात आहे. काम करण्यास नकार देणाऱ्यांना शॉक देण्यात येत असल्याची माहिती मिळत आहे.