कोरोनामुळे डॉक्टर दाम्पत्य झाले भावूक अन् लिहीले मृत्यूपत्र...

doctor couple in new york city preparing will for 18 months son in coronavirus outbreak
doctor couple in new york city preparing will for 18 months son in coronavirus outbreak

न्यूयॉर्क : कोरोना व्हायरसने जगभरात धुमाकूळ घालायला सुरवात केल्यानंतर त्याचा सर्वाधिक फटका अमेरिकेला बसला आहे. कोरोनामुळे अमेरिकेत 8 लाख 52 हजार 703 नागरिकांना कोरोनाची लागण झाली आहे. तर 47 हजार 750 जणांचा मृत्यू झाला आहे. कोरोनामुळे अमेरिकेत सध्या हाहाकार माजला असून, डॉक्टर दांपत्याने आपल्या चिमुकल्यासाठी मृत्यूपत्र तयार केले आहे.

न्यूयॉर्कमध्ये कोरोनाने हाहाकार उडवला आहे. न्यूयॉर्कमध्ये मृतांच्या संख्येत दिवसेंदिवस वाढ होत आहे. न्यूयॉर्कमधील वैद्यकिय कर्मचारीही जीव मुठीत धरून रुग्णांवर उपचार करत आहेत. यामध्ये डॉ. अ‍ॅडम (वय 37) आणि डॉ. नीना बुधीराजा यांचाही समावेश आहे. गेल्या एक महिन्यांपासून रात्रं-दिवस ते रुग्णांवर उपचार करत असून, त्यांना आपल्या 18 महिन्याच्या मुलाची काळजी आहे. मुलाच्या काळजीपोटी त्यांनी मृत्यूपत्र तयार केले आहे.

डॉ. अ‍ॅडम आणि डॉ. नीना यांच्या मते आमचा जर मृत्यू झाला तर आमच्या बाळाची काळजी कोण घेणार म्हणून मृत्यूपत्र तयार करत आहोत. डॉ. नीना यांनी सांगितले की, "गेल्या एका महिन्यापासून आम्ही दिवसरात्र रुग्ण, त्यांचे कुटुंबीय आणि मृत्यू पाहत आहोत. वैद्यकीय कर्मचारी जीव मुठीत धरून काम करत आहेत. दिवसागणीक संघर्ष सुरू आहे. दररोजची परिस्थिती पाहून नोकरी सोडण्याचा विचार केला होता. पण, या परिस्थितीत माघार घेऊ शकत नाही. गेल्या आठवड्यात अ‍ॅडमचा मित्राचा कोरोनामुळे मृत्यू झाला. त्यामुळे मनात सतत विचार सुरू आहेत. आमच्यानंतर मुलाचे काय होईल? म्हणून मुलासाठी मृत्यूपत्र तयार केले आहे.'

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com