कोरोना संसर्गाचा केंद्रबिंदू चीनकडून आता या देशाकडे; वाचा सविस्तर

पीटीआय
रविवार, 24 मे 2020

ब्राझिलमधील बाधितांचा आकडा वाढला
रियो दि जिनेरो (ब्राझिल) - ब्राझिलमध्ये कोरोनाबाधितांच्या आकड्यात वेगाने वाढ होत असून ब्राझिलमधील बाधितांचा आकडा तीन लाख ३० हजार ८९० वर पोहोचला असल्याची माहिती येथील वैद्यकीय अधिकाऱ्यांनी शनिवारी दिली. दरम्यान, गेल्या २४ तासांमध्ये ब्राझिलमधील १ हजार नागरिकांचा कोरोनामुळे मृत्यू झाला असून येथील मृतांचा आकडा २१ हजारांवर पोहोचल्याची माहिती येथील अधिकाऱ्यांनी दिली आहे. येथील बाधितांचा आकडा वेगाने वाढत असला तरी येथील व्यवहार लवकरच सुरू करण्यात येणार असल्याची माहिती येथील स्थानिक वृत्तपत्रांनी दिली आहे.

लिमा (पेरु) - कोरोना संसर्गाचा केंद्रबिंदू आता चीनकडून दक्षिण अमेरिकेकडे सरकल्याचे बोलले जात आहे. दक्षिण अमेरिकेतील नागरिक रोजगार गमावल्यामुळे रस्त्यावर आले असून ते गावाकडे जाण्यासाठी तासनतास रस्त्यावर ताटकळत उभे राहत असल्याचे चित्र आहे.

ताज्या बातम्यांसाठी डाऊनलोड करा ई-सकाळचे ऍप 

जगभरातील इतर बातम्यांसाठी येथे क्लिक करा 

यादरम्यान त्यांच्या प्रवासात काही मुलांचा दुर्देवी मृत्यू देखील होत असल्याचे ॲक्शन अगेंस्ट हंगर संघटनेने म्हटले आहे. स्थलांतरीत मजुरांचे अपघात देखील होत असल्याचे त्यांनी नमूद केले. कोरोना संसर्गामुळे लॅटिन अमेरिकेतील सुमारे २ कोटी ९० लाख नागरिक गरीबीत ढकलले गेल्याचा अंदाज वर्तविला आहे. यादरम्यान जागतिक आरोग्य संघटनेने म्हटले की, दक्षिण अमेरिका हा कोरोनाचे नवे केंद्रबिंदू ठरत आहे. जगभरात आतापर्यंत ५२ लाखांहून नागरिकांना बाधा झाली असून ३ लाख ३७ हजार जणांचा मृत्यू झाला आहे.

करुन दाखवलं! चीनमध्ये एकही नवा कोरोना रुग्ण नाही 

कोरोना संसर्गाच्या वाढत्या प्रादुर्भावामुळे पेरु देशाने लॉकडाउनचा कालावधी जूनखेरपर्यंत वाढविला आहे. लॉकडाउनला मुदतवाढ देण्याची ही पाचवी वेळ आहे. पहिला लॉकडाउन मध्य-मार्च महिन्यात लागू करण्यात आला होता. मात्र कोरोना आटोक्यात येत नसल्याने ३ कोटी २० लाख लोकसंख्येच्या देशात पेरु सरकारने लॉकडाउन वाढवण्याचा निर्णय घेतला.

'डब्ल्यूएफ'कडून वेळापत्रक जाहीर; इंडियन ओपन डिसेंबर महिन्यात होणार

३० जूनखेरपर्यंत लॉकडाउन लागू राहिल्यास पेरु देशातील नागरिक हे तीन किंवा साडेतीन महिन्यांपेक्षा अधिक काळ घरात बंद राहतील. पेरूची राजधानी लिमा येथे अध्यक्ष मार्टिन वित्झकारा यांना दूरचित्रवाणीवरून लॉकडाउन वाढवण्याची घोषणा केली. पेरूत १ लाखाहून अधिक नागरिकांना कोरोनाची बाधा झाली आहे. पाचव्या लॉकडाउनमध्ये काही सेक्टरमध्ये शिथिलता दिली जाणार आहे. त्यात घरगुती साहित्याचे दुकान,सलून आणि दंतवैद्यकीय सेवा सुरू केली जाणार आहे. काही खेळांवरचे निर्बंधही काढण्यात आले आहेत. त्यात व्यावसायिक फूटबॉलचा समावेश आहे.

दररोज हजार पंधराशे कोरोना रुग्ण वाढणाऱ्या मुंबईत मेच्या  अखेरीस इतकी असेल रुग्णसंख्या

स्टेडियमध्ये प्रेक्षकांशिवाय सामने खेळवण्यात येणार आहेत. कोरोनाबाधित लोकांची संख्या पाहिल्यास पेरू हा लॅटिन अमेरिकेत दुसऱ्या क्रमांकावर आहे. आतापर्यंत बाधितांची संख्या १११,६९८ एवढी झाली असून मृतांची संख्या ३२४४ वर पोचली आहे. 

लॉकडाउन कशामुळे अपयशी
पेरुत मार्च महिन्यापासून लॉकडाउन असले तरी संख्या वाढीमागे विलिगीकरणाचे निकष योग्य रितीने पाळले जात नसल्याचे तज्ञांचे म्हणणे आहे. ॲक्शन अगेंस्ट हंगर या संघटनेच्या मते, लॉकडाउनच्या काळात गरीब आणि श्रमिकांना अन्नांची भ्रांत झाल्याने त्यांच्या हालचालींवर निर्बंध आणणे कठिण जात आहे. संघटनेच्या मते, सुमारे १ लाख ६५ हजार नागरिकांनी नोकरी गमावली आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: The epicenter of the corona outbreak is now in China