G-20 शिखर परिषद : इंडोनेशियाने पुतिन, झेलेन्स्कींना केले आमंत्रित

Vladimir Putin and Volodymyr Zhelensky
Vladimir Putin and Volodymyr ZhelenskyVladimir Putin and Volodymyr Zhelensky

रशिया आणि युक्रेनमधील युद्धाला तीन महिने होत आहेत. मात्र, कोणताही तोडगा निघालेला नाही. दरम्यान, इंडोनेशियाने रशियाचे अध्यक्ष व्लादिमीर पुतिन (Vladimir Putin) आणि युक्रेनचे अध्यक्ष व्होलोडिमिर झेलेन्स्की (Volodymyr Zhelensky) यांना नोव्हेंबरमध्ये होणाऱ्या ग्रुप ऑफ २० (G-20) परिषदेसाठी आमंत्रित केले आहे. इंडोनेशियाचे राष्ट्रपती जोको विडोडो यांनी ही माहिती दिली आहे.

इंडोनेशिया शांतता प्रयत्‍नात योगदान देण्यास तयार आहे. इंडोनेशियाला G-20 देशांना एकत्र करायचे आहे. वाटून घ्यायचे नाही. शांतता आणि स्थैर्य ही जागतिक आर्थिक विकासाची गुरुकिल्ली असल्याचे, व्हर्च्युअल पत्रकार परिषदेत बोलताना विडोडो म्हणाले. G-20 जागतिक अर्थव्यवस्थेच्या पुनरुत्थानासाठी उत्प्रेरक भूमिका बजावते. या आठवड्यात त्यांनी रशिया (russia) आणि युक्रेन या दोन्ही देशांच्या नेत्यांशी दूरध्वनीवरून संभाषण केले, असेही विडोडो म्हणाले.

Vladimir Putin and Volodymyr Zhelensky
केंद्राने जम्मू-काश्मीरच्या सुरक्षेसाठी खर्च केले ९००० कोटी; अहवाल

गुरुवारी विडोडो आणि पुतिन (Vladimir Putin) यांनी फोन संभाषणात रशियन-इंडोनेशियन (russia) सहकार्याच्या मुद्द्यांवर आणि G20 क्रियाकलापांच्या विविध पैलूंवर चर्चा केली. त्याचवेळी बुधवारी झेलेन्स्की (Volodymyr Zhelensky) यांच्याशी झालेल्या संभाषणात विडोडो यांनी युक्रेनच्या (ukraine) राष्ट्रपतींकडून शस्त्रास्त्रांची विनंती नाकारली आणि सांगितले की इंडोनेशिया मानवतावादी मदत देण्यास तयार आहे.

एका रात्रीत ३८९ लक्ष्यांवर निशाणा

रशियाने युक्रेनवरील हल्ले आणखी तीव्र केले आहेत. रशिया तोफखाना युनिट्सने रात्रभर ३८९ युक्रेनियन स्थानांना लक्ष्य केल्याची बातमी रॉयटर्सने दिली आहे. रशियाच्या या हल्ल्यांमध्ये ३५ नियंत्रण बिंदू, १५ शस्त्रास्त्रे, दारूगोळा डेपो, युक्रेनियन सैन्य आणि त्यांची शस्त्रे ठेवलेल्या अनेक भागांचा समावेश होता. रशियाच्या संरक्षण मंत्रालयाने सांगितले की, त्यांच्या क्षेपणास्त्रांनी चार दारूगोळा आणि इंधन डेपोवर मारा केला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com