अमेरिकेच्या एका प्राणीसंग्रहालायातून (झू) एक आश्चर्यकारक घटना समोर आली आहे. इथल्या कर्मचाऱ्यांना अचानक समजले की, गेली चार महिने ज्याला आपण नर गोरिला समजत होतो तो खरंतर मादी आहे. त्या मादीने एका पिल्लाला जन्म दिल्यावर हे सत्य समोर आले. ही घटना ओहियो मधल्या कोलंबस झू मध्ये घडली. टीमने याविषयीची पोस्ट इंस्टाग्रामवर शेअर करत माहिती दिली.
त्यांनी इस्टाग्राम पोस्टमध्ये लिहिले आहे की, आमच्याकडे तुम्हाला सांगण्यासारखे एक आश्चर्यकारक घटना आहे. आमचे गोरिला कुटुंब थोडं मोठं होत आहे. पण यात एक अविश्वसनीय भाग असा की आमच्या टीमला आताच माहित झालं आहे की ज्याला ते नर गोरिला समजत होते तो वास्तविक मादी गोरिला आहे. वृत्तानुसार या गोरिलाचे नाव सुली आहे. ती २०१९ पासून आपल्या आईसोबत राहत आहे.
झूच्या अधिकाऱ्यांच्या ब्लॉगनुसार अशी परिस्थिती येण्यामागचं कारण म्हणजे गोरिलाच्या तरुण अवस्थेत त्यांचं लिंग सांगणे फार कठिण असते. त्यात सांगितलं आहे की, साधारण ८ वर्षापर्यंत नर आणि मादी साधारणपणे एकाच आकाराचे दिसतात. आणि त्यांच्याकडे प्रमुख लैंगिक अवयव नसतात.
प्राणी संग्रहालयाने सांगितले की, जसजसे या गोरिलांचे वय वाढू लागते तसे त्यांचे भिन्न लिंग स्पष्ट होऊ लागतात. त्यामुळे नर आणि मादी वेगवेगळे दिसू लागतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
