अमेरिकेतील ट्रकवर झळकले मोदीविरोधी बॅनर; पाहा व्हिडिओ

ह्युस्टन : पंतप्रधान नरेंद्र मोदी अमेरिकेत संयुक्त राष्ट्रांच्या आमसभेला संबोधित करणार आहेत. या आठवड्यात ते अमेरिका दौऱ्यावर जाणार असून, टेक्सासमधील ह्युस्टनमध्ये एका कार्यक्रमात सहभागी होणार आहेत. विशेष म्हणजे नरेंद्र मोदी आणि अमेरिकेचे राष्ट्राध्यक्ष डोनाल्ड ट्रम्प एकत्रितपणे ५० हजार लोकांना संबोधित करणार आहेत. दरम्यान, या कार्यक्रमाला काही भारतीय वंशाच्याच नागरिकांनी विरोध सुरू केलाय. Face of Indian terrorism असा मजकूर लिहिलेले बॅनर ह्युस्टनमध्ये झळकवण्यात आले आहेत.

काँग्रेस-राष्ट्रवादी आघाडीसंदर्भात शरद पवारांची मोठी घोषणा; मनसे कुठंय?

कोणी झळकावले बॅनर
मोदींच्या ह्युस्टनमध्ये होणाऱ्या कार्यक्रमाला #HowdyModi असे संबोधण्यात येत असून, हा हॅशटॅग ट्विटरवर मोठ्या प्रमाणात ट्रेंडिंग आहे. पण, याच हॅश टॅगमध्ये मोदींच्या कार्यक्रमाला विरोध करणारे ट्विटही पडत आहेत. त्यात एक व्हिडिओ लक्षवेध ठरत आहेत. त्यात काही पंजाबी ट्रक चालक त्यांच्या ट्रकवर मोदींच्या विरोधातील बॅनर लावताना दिसत आहेत. त्या बॅनवर मोदींचा मोठा फोटो लावण्यात आला असून, Face of Indian terrorism असे म्हटले आहे.

मुख्यमंत्र्यांच्या ताफ्यावर सोडल्या कडकनाथ कोंबड्या (व्हिडिओ)

काय आहे कार्यक्रम?
डोनाल्ड ट्रम्प यांच्यासोबत अमेरिकन संसदेतील 50 हून अधिक खासदार आणि गव्हर्नर मोदींच्या या कार्यक्रमात सहभागी होणार आहेत. मेडिसन स्क्वेअर आणि सिलिकॉन व्हॉली येथील कार्यक्रमांनंतर पंतप्रधान नरेंद्र मोदींचा अमेरिकेतील हा तिसरा सर्वांत मोठा कार्यक्रम असेल. या कार्यक्रमात अमेरिकेचे अध्यक्ष ट्रम्पही सहभागी होणार असल्याने HowdyModi हा कार्यक्रम चर्चेचा विषय ठरणार आहे. तसेच अमेरिकेतील रस्त्यांवर आतापासूनच मोदींचे पोस्टर्स झळकत आहेत. ह्युस्टनमध्ये होणाऱ्या या कार्यक्रमात भारत आणि अमेरिकेतील द्विपक्षीय संबंध, व्यापार, संस्कृती यावर चर्चा होणार आहे. या कार्यक्रमात मोदी आणि ट्रम्प यांच्यासोबत अनेक मोठ्या व्यक्तीही सहभागी होण्याची शक्यता आहे. तसेच जगातील दोन देशांचे प्रमुख एकाच मंचावरून हजारोंच्या जनसमुदायाला संबोधित करण्याची ही पहिलीच वेळ असेल.