लॉकडाउन मागे घेतल्यानंतर कोरोना संसर्गाचे प्रमाण दुप्पट झाले वाचा सविस्तर...

जोहान्सबर्ग - कोरोनाच्या संसर्गाचा दक्षिण आफ्रिकेत उद्रेक होऊ शकतो, असा इशारा साथरोगतज्ज्ञ सलीम अब्दुल करीम यांनी दिला आहे. दरम्यान, दक्षिण आफ्रिकेत कोरोनाच्या एक लाख रुग्णांची नोंद झाली असून, दोन हजार जणांचा मृत्यू झाला आहे. गेल्या पंधरा दिवसांत लॉकडाउन मागे घेतल्यानंतर संसर्गाचे प्रमाण दुप्पट झाले आहे.

हेही वाचा : जपानी ‘फुगाकू’ ठरला सर्वांत वेगवान संगणक 

आंतरराष्ट्रीय ख्यातीचे साथरोगतज्ज्ञ आणि राष्ट्रीय सल्लागार करीम यांनी सध्याची स्थिती अन्य देशांच्या तुलनेत चांगली असल्याचे म्हटले आहे. तीन महिन्यांपूर्वी लागू करण्यात आलेल्या लॉकडाउनमुळे दक्षिण अफ्रिकेला सावरण्यास वेळ मिळाला आहे, असे मत त्यांनी व्यक्त केले आहे. तरीही, रुग्णांच्या वाढत्या आकडेवारीवरून जुलैच्या शेवटच्या आठवड्यापर्यंत हजारो रुग्ण वाढण्याची शक्‍यता आहे. थंडीची सुरुवात आणि कमी झालेले तापमान यामुळे कोरोना विषाणूच्या वाढण्यास पोषक स्थिती निर्माण होऊ शकते. त्यामुळे लवकरच रुग्णसंख्येचा उद्रेक होऊ शकतो, असे त्यांनी म्हटले आहे.