पन्नू हत्येचा कट रचल्याप्रकरणी अमेरिकेच्या कारवाईवर भारताचं मोठं वक्तव्य! म्हटलं, हे कृत्य म्हणजे...

नवी दिल्ली : खलिस्तानी दहशतवादी गुरुपतवतसिंह पन्नू याच्या हत्येचा कट रचल्याच्या आरोपांखाली अमेरिकेकडून कथितरित्या भारतीय नागरिक निखिल गुप्ता यांच्याविरोधात कोर्टात खटला दाखल केला आहे. यावर भारताच्या परराष्ट्र मंत्रालयानं हा प्रकार गंभीर असल्याचं म्हटलं आहे.

आमच्या सरकारी धोरणाच्या विरोधातील अमेरिकेचं कृत्य असल्याचं मंत्रालयाचे प्रवक्ते अरिंदम बागची यांनी म्हटलं आहे. आंतरराष्ट्रीय स्तरावर संगठित गुन्हेगारी, तस्करी, हत्यारांची तस्करी आणि कट्टरपंथीयांची युती हे गंभीर आहे. यासाठीच उच्चस्तरीय चौकशी समिती नेमली जावी अशी मागणीही भारतानं केली आहे.

बागची म्हणाले की, "अमेरिकेसोबत द्विपक्षिय सुरक्षा करारावर चर्चेदरम्यान अमेरिकेच्यावतीनं काही माहिती शेअर करण्यात आली होती. ज्यामध्ये संगठित गुन्हे, दहशतवाद आणि कट्टरपंथियांमध्ये युती असल्याची माहिती दिली. (Global News)

या सूचनांना आम्ही अत्यंत गांभीर्यानं घेतो त्यामुळेच एक उच्चस्तरीय समिती नेमून या प्रकरणाची चौकशी केली जात आहे. चौकशीत समोर आलेल्या माहितीच्या आधारे पुढील कारवाई केली जाईल. अमेरिकत दाखल प्रकरणात भारतीय अधिकाऱ्याचा उल्लेख होणं हे चिंताजनक आहे.

कॅनडाबाबत बोलायचं झाल्यास आम्ही यापूर्वीच सांगितलं आहे की, कॅनडात भारतविरोधी कट्टरपंथियांना आश्रय देण्यात आला आहे, तसेच हा महत्वाचा मुद्दा आहे. कॅनडात आमच्या राजदुतांना टार्गेट केलं जात आहे. आमची इच्छा आहे की कॅनडानं व्हिएन्ना कराराच्या अटी-शर्तींचं पालन करावं. कॅनडाचे राजदूत आमच्या अंतर्गत विषयांमध्ये दखल देत आहेत, हे कदापी स्विकारार्ह नाही. (Marathi Tajya Batmya)