अमेरिकेतील ओहायो मध्ये एका २६ वर्षीय भारतीय विद्यार्थ्यी कारमध्ये मृत अवस्थेत आढळला . हा तरुण सिनसिनाटी विद्यापीठात शिकत होता. विद्यार्थ्याचं नाव आदित्य अदलखा असे असून ओहायो येथील डब्लूएलडब्लूटी वृत्तवाहिनीने दिलेल्या रिपोर्टनुसार, सिनसिनाटीच्या वेस्टर्न हिल्स वायाडक्ट वर आदित्य गाडी चालवत असताना त्याच्यावर जीवघेणा हल्ला करण्यात आला.
पोलीसांनी दिलेल्या माहितीनुसार, आदित्यचा मृतदेह कारमध्ये आढळला असून त्या कारने दुसऱ्या एका कारला धडक दिली होती. ड्रायव्हिंग सीटच्या खिडकीतून तीन गोळ्या झाडण्यात आल्याचे देखील पोलिसांना अढळून आले.
हॅमल्टन काउंटी कोरोनर ऑफिसने सांगितले की, गोळीबार झाल्यानंतर यूसी मेडिकल सेंटरमध्ये दाखल केल्यानंतर दोन दिवसांनी म्हणजेच ११ नोव्हेंबर रोजी आदित्यचा मृत्यू झाला. मात्र या प्रकरणात अद्याप कोणालाही अटक करण्यात आलेली नाहीये.
आदित्यने नवी दिल्लीतील रामजस कॉलेज मधून झूलॉजीमध्ये पदवी घेतली होती. त्यानंतर एम्समधून फिजिओलॉजी मध्ये मास्टर डिग्री मिळवून अमेरिकेत पीएचडी करण्यासाठी गेला होता. २०२५ मध्ये तो आपली पीएचडी पूर्ण करणार होता. विद्यापीठाने दिलेल्या माहितीनुसार आदित्यला मागील वर्षी अल्सरेटिव्ह कोलाइटिसवर एक रिसर्च प्रोजेक्टसाठी स्कॉलरशिप देखील मिळाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
