पाकिस्तान : कराचीत IndiGo विमानाचं Emergency Landing

इंडिगो विमानाचं (IndiGo Aircraft) पाकिस्तानातील कराची (Pakistan Karachi) इथं आपत्कालीन लँडिंग (Emergency Landing) करण्यात आलं. हे विमान शारजाहून हैदराबादला जात होतं, असं सांगण्यात येतंय. प्राथमिक माहितीनुसार, तांत्रिक बिघाडीमुळं विमान उतरवण्यात आलंय. तांत्रिक बिघाडाची माहिती मिळाल्यानंतर, क्रू मेंबर्सनी (Crew members) विमानाचं इमर्जन्सी लँडिंग करण्याचा निर्णय घेतला.

मिळालेल्या माहितीनुसार, प्रवाशांना दुसऱ्या विमानानं हैदराबादला आणलं जाणार आहे. दोन आठवड्यांत कराचीमध्ये भारतीय विमानाचं हे दुसरं आपत्कालीन लँडिंग आहे. इंडिगो एअरलाइन्सनं (Indigo Airlines) सांगितलं की, 'शारजाह-हैदराबाद (Sharjah-Hyderabad) फ्लाइटच्या पायलटला विमानात तांत्रिक बिघाड झाल्याची माहिती मिळाली. यानंतर खबरदारी म्हणून विमान कराचीच्या दिशेनं वळवण्यात आलं. सध्या प्रवाशांना हैदराबादला आणण्यासाठी कराचीला जादा विमानाची व्यवस्था करण्यात आलीय.'

यापूर्वी स्पाईसजेटच्या विमानात (Spicejet Aircraft) बिघाड झाल्यानंतर 5 जुलै रोजी कराचीमध्ये आपत्कालीन लँडिंग करण्यात आलं होतं. स्पाइसजेटचं हे विमान दिल्लीहून दुबईला जात होतं. या बिघाडानंतर विमानाला पाकिस्तानातील कराची इथं उतरावं लागलं. स्पाईसजेटच्या दुसऱ्या विमानानं प्रवाशांना दुबईला नेण्यात आलं. दरम्यान, तीन दिवसांपूर्वी जयपूरमध्ये इंडिगो विमानाचं इमर्जन्सी लँडिंग करण्यात आलं होतं. इंजिनला कंपन आल्यानंतर हे इमर्जन्सी लँडिंग करण्यात आलं.