मध्यपूर्वेत १२ दिवसांच्या रक्तरंजित संघर्षानंतर आता शांततेची आशा निर्माण झाली आहे. अमेरिकेचे अध्यक्ष डोनाल्ड ट्रम्प यांनी सोमवारी घोषणा केली की इराण आणि इस्रायल यांनी आता युद्धबंदीवर सहमती दर्शविली आहे आणि पुढील २४ तासांत ही युद्धबंदी लागू होईल. पण या युद्धबंदीत मुस्लिम देश कतारने यामध्ये खूप मोठी भूमिका बजावली आहे. इराणने कतारद्वारे आणि अमेरिकेने मांडलेल्या अटींवर युद्धबंदीवर सहमती दर्शविली आहे. शांतता पुन्हा प्रस्थापित करण्याच्या दिशेने हे एक महत्त्वाचे पाऊल मानले जात आहे.