Iran-USA Conflict : अमेरिकेनं नुकतेच आपल्या स्टील्थ B-2 स्पिरीट बॉम्बरद्वारे इराणच्या सर्वात सुरक्षित अण्वस्र तळांवर हल्ला केला. दरम्यान, चीन गुपचूपपणे याच प्रकारच्या विमानांवर काम करत असल्याच्या बातम्या यायला लागल्या आहेत. 'द वॉर जोन'च्या माहितीनुसार, १४ मे २०२५ च्या सॅटेलाईट इमेजमध्ये शिनजियांगच्या मालानजवळ गुप्त परिक्षण केंद्रावर एका मोठ्या फ्लाईंग विंग स्टील्थ विमान असल्याचं दिसून आलं आहे. या ड्रोनसारख्या दिसणाऱ्या विमानाला हाय अल्टिट्यूड, हेल प्लॅटफॉर्म मानलं जातं. ज्याचं विंगस्पॅन ५२ मीटर अर्थात सुमारे १७० फूट आहे. जे अमेरिकेच्या B-2 स्टिल्थ विमानाप्रमाणं आहे.
