Accenture Layoff : IT क्षेत्रात नोकरी कपातीचं वादळ; Accenture मधल्या १९,००० लोकांच्या नोकऱ्या जाणार

Accenture ने आपल्या वार्षिक महसूल आणि नफ्याचा अंदाज घेत २.५ टक्के कर्मचारी कपात करणार असल्याचं सांगितलं. बिघडत चाललेल्या जागतिक आर्थिक दृष्टिकोनामुळे अनेक कंपन्या आपल्या तंत्रज्ञानाधारित सेवांवरचा खर्च कमी करत आहे. Accenture ने १९,००० नोकऱ्या कपात करण्यात येणार असल्याचं आता सांगितलं आहे. (Accenture Layoff)

गेल्या वर्षाच्या उत्तरार्धात वाढती महागाई, वाढते व्याजदर आणि मागणीतल्या मंदीमुळे आयटी क्षेत्रामध्ये लाखो कर्मचाऱ्यांना कामावरुन काढून टाकलं आहे. Accenture ची प्रतिस्पर्धी कंपनी Cognizant ने गेल्या महिन्यात व्यवहारांमधली खुंटलेली वाढ निदर्शनास आणून दिली होती. तसंच आपला तिमाहीतला महसूल अपेक्षेपेक्षाही कमी असेल, असं सांगितलं होतं.

IBM आणि टाटा कन्सल्टन्सी या कंपन्यांनीही युक्रेन युद्धामुळे फटका बसलेल्या युरोपमध्ये मंदी आल्याचं सांगितलं. तसंच त्यामुळे ग्राहक खर्च करण्यात हात आखडता घेत असल्याचंही या कंपन्यांचं म्हणणं आहे. Accenture च्या वार्षिक महसूलात आता ८ ते १० टक्क्यांची वाढ अपेक्षित आहे.