King Charles Coronation : किंग चार्ल्सचा राज्याभिषेक 6 मे रोजीच का, जाणून घ्या मुहूर्तामागची 2 मोठी कारणे

King Charles Coronation : राजा चार्ल्स तिसरा याच्या राज्याभिषेकाची तयारी ब्रिटनमध्ये जोरात सुरू आहे . लंडनमध्ये ६ मे रोजी राज्याभिषेक होणार आहे. किंग चार्ल्स आणि राणी कॅमिला यांचा शनिवारी वेस्टमिन्स्टर अॅबे आयोजित कार्यक्रमात राज्याभिषेक होणार आहे .

ब्रिटनमध्ये 70 वर्षांनंतर राज्याभिषेक होणार आहे . ही शाही परंपरा अखेरची 1953 मध्ये दिवंगत राणी एलिझाबेथ यांच्यासाठी पार पडली होती. या राज्याभिषेक कार्यक्रमासाठी ६ मे ही तारीख का निवडली हा प्रश्न आहे. खरे तर त्याचा संबंध राजघराण्याशी आहे.

६ मे ही तारीख निवडली त्यामागची दोन मोठी कारणे

पहिले कारण : राजघराण्याने राज्याभिषेकासाठी ६ मे ही तारीख निवडली आहे, याचे नेमके कारण त्यांनी दिलेले नसले तरी दोन मोठी कारणे स्पष्टपणे समजतात. 6 मे हा चार्ल्सचा नातू आर्ची हॅरिसनचा वाढदिवस आहे. आर्ची हा प्रिन्स हॅरी आणि मेघन मार्कल यांचा मुलगा आहे. त्याचा जन्म 6 मे 2019 रोजी झाला. हे राज्याभिषेक तारखेमागील कनेक्शन देखील असू शकते.

दुसरे कारण: या तारखेचे कनेक्शन केवळ आर्ची हॅरिसनपुरते मर्यादित नाही. याचे आणखी एक कारण म्हणजे राजा एडवर्ड सातवा. 6 मे 1910 रोजी बकिंगहॅम पॅलेस येथे त्यांचे निधन झाले. राजा एडवर्ड सातवा 1901 ते 1910 पर्यंत ब्रिटनचे राजे होते. त्यांच्या कारकिर्दीला एडवर्डियन युग म्हणतात. त्यामुळेच राज्याभिषेकासाठी निवडलेली तारीख राजघराण्यासाठी खास असते.