ब्रिटनमध्ये पुन्हा एकदा लॉकडाउनची घोषणा

लंडन - ब्रिटनचे पंतप्रधान बोरीस जॉन्सन यांनी संपूर्ण देशात दुसऱ्या ‘स्टे ॲट होम’ लॉकडाउनची घोषणा केली. गुरुवारपासून (ता. ५) याची अंमलबजावणी होणार असून हा लॉकडाउन चार आठवडे असणार आहे. ब्रिटनमध्ये कोरोनाचा संसर्ग वाढत असल्याच्या पार्श्वभूमीवर हा निर्णय घेण्यात आला आहे. याबाबत आरोग्य विभाग आणि रुग्णालयांना सज्ज राहण्याचे निर्देश दिले आहेत.

ताज्या बातम्यांसाठी डाऊनलोड करा ई-सकाळचे ऍप

आपल्या सरकारी निवासस्थानी झालेल्या पत्रकार परिषदेत बोलताना जॉन्सन म्हणाले की, निसर्गासमोर शरण जाण्याशिवाय आपल्याकडे पर्याय नाही. आताच कठोर उपाययोजना केली नाही तर मृत्यूदर आणखी वाढू शकतो. तुम्ही आता घरीच थांबायला हवे. केवळ शाळा आणि कामासाठीच बाहेर पडण्यास परवानगी आहे. 

जगभरातील इतर बातम्या वाचण्यासाठी येथे क्लिक करा

काही काम नसेल तर घरीच बसा. नव्या लॉकडाउन अंतर्गत जीवनावश्‍यक नसलेल्या वस्तूंची दुकाने, पर्यटनस्थळे, रेस्टॉरंट, बार, पब हे सर्व बंद राहणार आहेत. पार्सल मागविण्याची सोय नागरिकांना असेल. केवळ एकाच व्यक्तीला दुसऱ्यांच्या घरी जाऊन भेटायची मुभा आहे. पहिल्या ‘स्टे ॲट होम’ लॉकडाउनमध्ये शाळा, महाविद्यालयेही बंद होती. यंदा मात्र त्यांना बंदीतून वगळले आहे. 

देशभरातील इतर बातम्या वाचण्यासाठी येथे क्लिक करा