Russia-Ukraine Conflict : ‘युक्रेन’बाबत स्वित्झर्लंडमध्ये बैठक; रशियाच्या अनुपस्थितीने तोडग्याची शक्यता कमीच

रशिया आणि युक्रेन यांच्यातील युद्धाला सव्वा दोन वर्षे झाली असली तरी दोघांपैकी कोणीही माघार घेत नसल्याने परिस्थिती ‘जैसे थे’ आहे.
Russia-Ukraine Conflict
Russia-Ukraine Conflict Sakal

ऑबुर्जन (स्वित्झर्लंड) : युद्धग्रस्त युक्रेनमध्ये शांतता निर्माण करण्यासाठी कोणते प्रयत्न करायचे, यावर चर्चा करण्यासाठी स्वित्झर्लंडमध्ये आज प्रमुख जागतिक नेत्यांची बैठक झाली. या बैठकीमध्ये युक्रेनचा सहभाग असला तरी रशियाची उपस्थिती नसल्याने कोणताही तोडगा निघण्याची शक्यता नसल्याचे तज्ज्ञांचे म्हणणे आहे.

रशिया आणि युक्रेन यांच्यातील युद्धाला सव्वा दोन वर्षे झाली असली तरी दोघांपैकी कोणीही माघार घेत नसल्याने परिस्थिती ‘जैसे थे’ आहे. रशियाने आपले सैन्य संपूर्णपणे माघारी घ्यावे आणि ताब्यात घेतलेला प्रदेश सोडून द्यावा, अशी युक्रेनची मागणी आहे. तर, ताब्यात आलेला प्रदेश सोडणार नाही अशी रशियाची भूमिका आहे. जागतिक पातळीवरून योग्य दबाव आणल्यास रशिया माघार घेऊन शांतता निर्माण होऊ शकते, अशी भूमिका युक्रेनचे अध्यक्ष व्होलोदीमिर झेलेन्स्की यांनी मांडली आहे.

शंभर देशांचे प्रतिनिधी हजर

या बैठकीला सुमारे शंभर देशांचे प्रतिनिधी उपस्थित असून किमान निम्मे जण आपापल्या देशांचे प्रमुख आहेत. मात्र, रशियाच्या उपस्थितीला युक्रेनचाच आक्षेप असल्याने त्यांचा कोणीही प्रतिनिधी नाही. त्यामुळे येथील चर्चेतून काहीही निष्पन्न होणार नसल्याचे तज्ज्ञांचे म्हणणे आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com