कंडोमचे पाकीट उघडायला लागणार दोघांचे हात! (व्हिडिओ)

वृत्तसंस्था
शुक्रवार, 5 एप्रिल 2019

कंडोमच्या पाकिटाच्या चारही कोनांवर समान दाब दिल्यानंतरच ते उघडेल. शरीरसंबंध ठेवण्यासाठी दोघांची परवाणगी असेल तरच या कंडोमचा वापर करता येईल.

ब्यूएनोस (अर्जेंटिना): येथील ट्युलीपॅन अर्जेंटिना नावाच्या कंपनीने नवीन कंडोम बाजारात आणला असून, त्याचे पाकीट उघडायला दोघांचे हात लागणार आहे. चार हात असल्याशिवाय हे पाकीट उघडले जाणार नाही, असे कंपनीने जाहिरातीमध्ये म्हटले आहे.

कंपनीने दिलेल्या माहितीनुसार, 'कंडोमच्या पाकिटाच्या चारही कोनांवर समान दाब दिल्यानंतरच ते उघडेल. शरीरसंबंध ठेवण्यासाठी दोघांची परवाणगी असेल तरच या कंडोमचा वापर करता येईल, या उद्देशाने अशाप्रकारेच पॅकेजिंग करण्यात आले आहे. थोडक्यात, दोघांची संमती असेल तरच हे पाकीट उघडू शकेल. पण, 'जर होकार नसेल तर नकारच' अशी या कंडोमच्या जाहिरातीची टॅगलाइन आहे. या वर्षाअखेरीसपर्यंत हा कंडोम बाजारामध्ये विक्रीसाठी उपलब्ध होणार आहे. सध्या कंपनी या कंडोमची चाचणी करण्यासाठी अनेक ठिकाणी या कंडोमचे मोफत वाटप केले जात आहे.'

‘ट्युलीपॅन ही कंपनी नेहमीच सुरक्षित शरीरसंबंध ठेवण्यासंदर्भात जनजागृती करत आहे. मात्र, यावेळी शरीरसंबंध ठेवताना सर्वात महत्वाची गोष्टच जाहिरातीच्या माध्यमातून लोकांपर्यंत पोहचवण्याचे आवाहन आमच्यासमोर आहे. जर दोघांचा होकार असेल तरच शरीरीसंबंधांचा आनंद घेता येतो.' असे मत या कंडोमच्या जाहिरातीची जबाबादारी असलेल्या बीबीडीओ कंपनीच्या जॉक्वीन कॅम्पीन्स यांनी न्यू यॉर्क पोस्टशी बोलताना व्यक्त केली आहे.

#MeToo या मोहिमेनंतर हा कंडोम तयार करण्याचा निर्णय कंपनीने घेतल्याचे समजते. या मोहिमेमध्ये अनेक मोठ्या व्यक्तींवर लैंगिक अत्याचाराचे आरोप झाले. त्यामुळेच होकार असेल तरच शरीरसंबंध ठेवता येण्यासंदर्भात कंपनीने केलेला हा एक प्रयत्न आहे. सोशल मिडियावरही या कंडोमची चांगलीच चर्चा आहे.

Web Title: new consent condom wont open unless two people unpack it