रसायनशास्त्राचा नोबेल पुरस्कार दोघांना; हे आहेत मानकरी

स्टॉकहोम - यंदाच्या नोबेल पुरस्कारांची घोषणा ४ ऑक्टोबरपासून करण्यास सुरुवात झाली आहे. यातील रसायनशास्त्रातील नोबेल पुरस्काराची घोषणा आज झाली. बेंजामिन लिस्ट आणि डेव्हिड मॅकमिलन यांना संयुक्तरित्या हा पुरस्कार देण्यात आला. असमान जैवउत्प्रेरकच्या निर्मितीत त्यांनी केलेल्या कामासाठी दोघांचा गौरव करण्यात आला असल्याचं नोबेल समितीने म्हटलं आहे.

याआधी भौतिकशास्त्रातील नोबेल पुरस्काराची घोषणा मंगळवारी झाली होती. हा पुरस्कार संयुक्तरित्या तिघांना देण्यात आला आहे. सुकुरो मनाबे, क्लॉस हेझलमन आणि जॉर्जिया परिसी हे भौतिकशास्त्रातील मानकरी ठरले.

शरीरविज्ञान किंवा वैद्यकशास्त्रात यंदा दोघांना नोबेल पुरस्कार जाहीर झाला आहे. अमेरिकेतील डेव्हिड ज्युलियस आणि अर्डम पॅटापुटियन हे नोबेल पुरस्काराचे मानकरी ठरले आहेत. त्यांनी शरीरात तापमान आणि स्पर्श यांची संवेदना ओळखणाऱ्या संवाहकाचा शोध लावला आहे.