वॉशिंग्टन - सॉफ्टवेअर क्षेत्रातील बलाढ्य अमेरिकी कंपनी ओरॅकलनेही टीकटॉक खरेदीदारांच्या शर्यतीत उडी घेतली आहे. प्रामुख्याने अमेरिकेतील व्यवहार मिळविण्याचा त्यांचा प्रयत्न आहे.
टीकटॉकची मालकी असलेल्या बाईटडान्स कंपनीत आधीच गुंतवणूक असलेल्या काही कंपन्यांच्या साथीत ओरॅकल प्रयत्नशील आहे. या गुंतवणूकदार कंपन्यांमध्ये जनरल अटलांटिक आणि सीकोया कॅपीटल यांचा समावेश आहे.
या घडामोडींची कल्पना असलेल्या सूत्रांनुसार बाईटडान्सशी प्राथमिक चर्चा झाली असून गेल्या काही दिवसांत त्यात प्रगती झाली आहे. फायनान्शियल टाईम्सनुसार अमेरिकेशिवाय कॅनडा आणि ऑस्ट्रेलिया आणि न्यूझीलंड येथील व्यवहारांची खरेदी करण्याचाही ओरॅकलचा प्रयत्न आहे.
पुण्याच्या बातम्या वाचण्यासाठी येथे क्लिक करा
यासंदर्भात अधिकृत भाष्य करण्यास मात्र कोणत्याच कंपनीच्या प्रतिनिधींनी तयारी दर्शविली नाही.
सोशल मिडीया अॅपमार्फत चिनी कंपन्या युझर्सची वैयक्तिक आणि गोपनीय माहिती चीन सरकारला पुरवीत असल्याचा दावा अमेरिकेचे अध्यक्ष डोनाल्ड ट्रम्प यांनी केला आहे. त्यामुळे टीकटॉकवर बंदीचे फर्मान काढण्यात आले आहे. त्यानंतर मयक्रोसॉफ्टचे सीइओ सत्या नाडेला यांनी ट्रम्प यांची भेट घेतली होती. मायक्रोसॉफ्ट अमेरिकी सरकारच्या साथीतच करारासाठी प्रयत्नशील आहे.
मातब्बरांमध्ये चुरस
टीकटॉकची मालकी असलेली बाईटडान्स कंपनी अॅपच्या संपूर्ण विक्रीबाबत फारशी उत्साही नाही. केवळ अमेरिका, कॅनडा, ऑस्ट्रेलिया आणि न्यूझीलंड या देशांच्या पलीकडे व्यवहाराची व्याप्ती ठेवण्यास बाईटडान्स व्यवस्थापनाचा विरोध आहे.
ट्रम्पना निधी अन् पाठिंबा
ओरॅकलचे सहसंस्थापक आणि कार्यकारी अध्यक्ष लॅरी एलिसन यांनीही ट्रम्प यांना पाठिंबा दर्शविला आहे. ट्रम्प यांच्या प्रचारासाठी एलिसन यांनी वर्षाच्या प्रारंभीच निधी उभारणी मोहीम राबविली होती.
ओरॅकलच्या आघाडीवर
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.