Twitter : ट्विटर विकत घेणाऱ्या इलॉन मस्क यांना भारताकडून इशारा; म्हटलं, आमचे...

Narendra Modi and Elon Musk
Narendra Modi and Elon Musk

नवी दिल्ली - जगातील सर्वात श्रीमंत व्यक्ती आणि टेस्लाचे सीईओ इलॉन मस्क यांनी अखेर ट्विटर विकत घेतलं आहे. इलॉन मस्क यांनी १३ एप्रिल रोजीच ट्विटर खरेदी करण्याची घोषणा केली होती. मस्क यांच्या ट्विटर अधिग्रहणानंतर भारताकडून महत्त्वपूर्ण विधान समोर आलं आहे. (Twitter news in Marathi)

Narendra Modi and Elon Musk
मुख्यमंत्री, उपमुख्यमंत्र्यांनी पंचनाम्यांचं आश्वासन दिलं, पण...; अजित पवारांनी सांगितली वस्तुस्थिती

आयटी आणि माहिती तंत्रज्ञान राज्यमंत्री राजीव चंद्रशेखर यांनी सांगितले की, ट्विटर आगामी काळात भारतातील नवीन आयटी कायद्यांचे पालन करेल, अशी आमच्या देशाला अपेक्षा आहे. तसेच आशा आहे की, ट्विटरची मालकी बदलल्यानंतरही भारतासाठीचे नियम बदलणार नाहीत.

राजीव चंद्रशेखर म्हणाले की, ट्विटरचा मालक बदलण्याची पर्वा नाही. भारताचा स्वतःचा कायदा आहे, प्रत्येकाला इथला कायदा पाळावाच लागेल. काही भारतीयांच्या ट्विटर अकाऊंटवरील बंदीबाबत ते म्हणाले की, एक-दोन दिवसांत यासंदर्भात नवीन आयटी नियम लागू करण्यात येईल, जे सर्वांना पाळावेच लागेल.

Narendra Modi and Elon Musk
धक्कादायक प्रकार उघड! स्टँप पेपरवर मुलींचा लिलाव; 'एनसीडब्ल्यू'ची टीम करणार चौकशी

ट्विटर आणि इलॉन मस्क यांच्यात 7 महिने हा करार सुरू होता. अखेर गुरुवारी या कराराला अंतिम रुप आले. ट्विटरचे प्रमुख होताच एलन मस्क यांनी सर्वप्रथम सीईओ पराग अग्रवाल यांना हटवलं. मुख्य वित्तीय अधिकारी (सीएफओ) नेड सहगल आणि कायदेशीर व्यवहार आणि धोरण प्रमुख विजया गडदे या आणखी दोन अधिकाऱ्यांनाही त्यांनी बाजुला केलं आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com