मशिदीत पाणी आणण्यासाठी गेलेल्या हिंदू कुटुंबावर पाकिस्तानात अत्याचार

पाकिस्तानमध्ये (Pakistan) राहणाऱ्या अल्पसंख्यांक हिंदू कुटुंबांवर (Hindu Family in Pakistan) होणाऱ्या अत्याचाराच्या घटना वारंवार समोर येत असतात. पुन्हा एकदा अशीच एक घटना समोर आली असून, पंजाब प्रांतामध्ये मशिदीतून पिण्याचे पाणी आणल्याने एक हिंदू कुटुंबाला आता जाच सहन करावा लागतो आहे. अल्पसंख्यांक हिंदू समाजातील कुटुंबाला प्रार्थनास्थळाचे पवित्रेला डाग लावल्याचा आरोप करत त्रास दिल्याची गंभीर घटना समोर आली आहे.

पंजाबच्या रहिमयार खान शहरातील रहिवासी आलम राम भील आपल्या पत्नीसह कुटुंबातील इतर सदस्यांसह शेतात कापूस वेचत होते. मशिदीमधून पिण्याचे पाणी आणल्यानंतर या कुटुंबाला मशिदीच्या पावित्र्याचे उल्लंघन केले, असे म्हणत त्रास दिला जातो गेला. कुटुंबाला त्रास देताना स्थानिकांनी या हिंदु कुटुंबाला डांबून ठेवल्याचा प्रकार टाईम्स नाऊने दिलेल्या वृत्तामधून समोर आला आहे. भील म्हणाले की, जेव्हा आमचे कुटुंब जवळच्या मशिदीबाहेर नळाचे पाणी आणण्यासाठी गेले तेव्हा काही स्थानिक लोकांनी त्यांना मारहाण केली. डॉन वृत्तपत्राने या घटनेचे वृत्त दिले आहे. एवढ्यावरच न थांबता काम करुन घरी जाणाऱ्या कुटुंबाला स्थानिक जमीनदारांनी डांबून ठेवत त्यांच्यावर अत्याचार केले.

पोलिसांनी या प्रकरणी गुन्हा दाखल केला असून, संबंधीत लोक हे पाकिस्तानचे पंतप्रधना इम्रान खान यांच्या तेहरीक ए इन्साफ पक्षाशी संबंधीत असल्याचे या कुटुंबाना सांगितले आहे.