पाकिस्तानच्या अशांत वायव्येकडील पाकिस्तानी तालिबानच्या पूर्वीच्या बालेकिल्ल्यात असलेल्या सरकार समर्थक शांतता समितीच्या कार्यालयाबाहेर सोमवारी (२८ एप्रिल) एक शक्तिशाली बॉम्बस्फोट झाला. या स्फोटात किमान सात जणांचा मृत्यू झाला. तर इतर ९ जण जखमी झाले. खैबर पख्तूनख्वा प्रांतातील दक्षिण वझिरीस्तान जिल्ह्यातील मुख्य शहर वाना येथे हा हल्ला झाला. असे स्थानिक पोलिस प्रमुख उस्मान वझीर यांनी सांगितले.
