धक्कादायक! पाकिस्तानमध्ये हिंदू कुटुंबातील 5 सदस्यांची गळा चिरुन हत्या

इस्लामाबाद- पाकिस्तानमध्ये एक धक्कादायक प्रकार समोर आला आहे. येथील एका हिंदू कुटुंबातील 5 सदस्यांची हत्या करण्यात आली आहे. त्यामुळे या भागात राहणाऱ्या हिंदू समुदायामध्ये दहशत पसरली आहे. द न्यूज इंटरनॅशनलने दिलेल्या माहितीनुसार हे कुटुंब रहीम यार खान शहरापासून 15 किलोमीटर दूर अबू धाबी कॉलोनीमध्ये रहात होते. ही जागा मुल्तान शहराच्या जवळ आहे. सर्व लोकांची हत्या धारदार शस्त्राने गळा चिरून करण्यात आली आहे. पोलिसांनी घटनास्थळावरुन चाकू, कुऱ्हाड आणि शस्त्र जप्त केले आहेत. 

रहीम यार खानचे सामाजिक कार्यकर्ता बीरबल दास यांनी मीडियाला सांगितलं की, मृत कुटुंबीयाचे प्रमुख राम चंद मेघवाल यांचं वय 35 ते 36 वर्ष होते. ते गेल्या अनेक वर्षांपासून टेलरिंगचे दुकान चालवायचे. त्यांचे जीवन आनंदी होते. ही घटना अनेकांना धक्का देणारी आहे. पोलिस दोषींचा शोध घेत आहेत. पोलिस या प्रकरणाचा तपास करत आहेत. 

नशीबाची साथ! पश्चिम बंगालच्या मजुराला केरळमध्ये लागली 80 लाखांची लॉटरी

काही महिन्यापूर्वी डॉक्टरची झाली होती

पाकिस्तानमध्ये अल्पसंख्याकांवर हल्ल्याच्या घटना यापूर्वीही समोर आल्या आहेत. 6 महिन्यापूर्वी कराचीमध्ये एका हिंदू डॉक्टरची हत्या करण्यात आली होती. डॉक्टरचे नाव लाल चंद बागरी होते. तो सिंध प्रांताच्या तांदो अल्यहारमध्ये प्रॅक्टिस करायचा. काही अज्ञात लोकांनी घरात घुसून चाकूने गळा कापून त्याची हत्या केली होती.  एका वर्षात पाकिस्तानमध्ये हिंदू डॉक्टरची ही दुसरी हत्या होती. याआधी कराचीमध्ये लरकानाच्या गर्ल्स हॉस्टेलमध्ये डॉक्टर नम्रता चंदानीचा मृतदेह आढळला होता. पोस्टमार्टममध्ये स्पष्ट झालं होतं की, पीडितेची बलात्कार केल्यानंतर हत्या करण्यात आली होती.