कराची : पाकिस्तानातील कराची विद्यापीठाच्या आवारात कार स्फोटात 3 परदेशी लोकांसह चार लोक ठार झाल्याची घटना घडली आहे. या अपघातात काही लोकं जखमी झाल्याची माहिती आहे.
कराची विद्यापीठाच्या आवारात झालेल्या कारच्या स्फोटात चार लोकांचा मृत्यू झाला आहे. त्यामध्ये ३ लोकं परदेशी असल्याची माहिती पाकिस्तानातील जिओ न्यूजने दिली आहे. तर जखमी झालेल्यांपैकी एक परदेशी, एक रेंजर्स अधिकारी आणि एक खाजगी रक्षक जखमी झाले असून त्यांना गुलशन-ए-इकबाल या खाजगी रुग्णालयात हलविण्यात आले आहे
मृत्यू झालेले परदेशी नागरिक हे चीनचे असल्याची माहिती आहे. तसेच सिंधचे पोलीस महानिरीक्षक मुश्ताक अहमद मेहर यांनी मुख्यमंत्री मुराद अली शाह यांच्याशी संपर्क करून मृतांच्या संख्येची पुष्टी केली आहे, असे वृत्त पाकिस्तानातील डॉन या वाहिनीने दिले आहे.
विद्यापीठाच्या चीन भाषा प्रशिक्षण केंद्राजवळ हा अपघात घडला आहे. त्या ठिकाणी हे लोकं शिकायला आले असल्याची प्राथमिक माहितीतून समोर आलं असल्याचं पोलिसांनी सांगितलं आहे. तसेत या स्फोटामागे कुठल्या दहशतवादी संघटनांचा हात आहे का याचा तपास पोलिस करत असल्याच त्यांनी सांगितलं.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.