हाफिज सईदची राष्ट्र संघात याचिका

दहशतवाद्यांच्या यादीतून नाव वगळण्याची मागणी

लाहोर: माझ्या विरोधातील कुठलाही आरोप दहशतवादाशी संबंधित नाही. तसेच, पाकिस्तानी न्यायालयात हे आरोप सिद्ध होऊ शकलेले नाहीत, असे सांगत दहशतवाद्यांच्या यादीतून आपले नाव वगळण्याची मागणी हाफिज सईदने राष्ट्र संघाकडे (यूएन) केली आहे.

मुंबईवरील 26/11च्या दहशतवादी हल्ल्याचा "मास्टर माइंड' हाफिज सईद याने "यूएन'कडे याचिका दाखल केली आहे. "यूएन'च्या दहशतवाद्यांच्या यादीतून आपले नाव वगळावे, अशी मागणी या याचिकेच्या माध्यमातून सईदने केली आहे. माझ्या विरोधातील आरोप हे दहशतवादाशी संबंधित नाहीत. तसेच, हे आरोप पाकिस्तानी न्यायालयात सिद्ध झालेले नाहीत, असे सईदने म्हटले आहे. बंदी घालण्यात आलेल्या "जमात-उद-दावा'चा प्रमुख असलेल्या सईदला पकडून देणाऱ्यास एक कोटी डॉलरचे बक्षीस अमेरिकेने जाहीर केलेले आहे. स्थानबद्धतेची मुदत वाढविण्यास न्यायालयाने नकार दिल्यानंतर सईदला शुक्रवारी मुक्त करण्यात आले होते. चालू वर्षी जानेवारीपासून सईदला नजरकैदेत ठेवण्यात आले होते. सईदच्या वतीने लाहोरमधील संस्थेने "यूएन'मध्ये ही याचिका दाखल केली आहे.
---