मॉस्को (रशिया) : विमानातून प्रवास करत असताना अंगावर पाणी गळेल का? यावर नाही असेच उत्तर असेल. पण, एका विमानात प्रवाशांच्या अंगावर पाणी गळू लागल्यामुळे त्यांनी छत्रीचा आधार घेतला. संबंधित व्हिडिओ व्हायरल होत आहे.
विमानातील प्रवासी रशियातील आहेत. रशियाच्या रोस्सिया एअरलाईन्सच्या एका विमानात ही घटना घडली आहे. हे विमान खोबरोव्स्कहून सोचीला जात होते. यावेळी विमानातील एसीमध्ये बिघाड झाल्यामुळे पाणी गळायला सुरवात झाली. पावसाचे वातावरण असल्यामुळे प्रवाशांजवळ छत्र्या होत्या. पाणी गळती होत असलेल्या ठिकाणच्या प्रवाशांनी छत्रीचा आधार घेतला. यावेळी विमानातील काही प्रवाशांनी मोबाईलमधून शुटींग केले. संबंधित व्हिडिओ 11 जुलै रोजी सोशल मीडियावर व्हायरल केला.
व्हिडिओ व्हायरल झाल्यानंतर रोस्सिया एअरलाईन्सने याबाबत खुलासा केला आहे. त्यामध्ये त्यांनी म्हटले आहे की, एसीमध्ये गळती झाली होती. त्यामुळे पाणी गळत होती. यामुळे प्रवासी छत्री घेऊन बसले होते.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.