टोकियो येथे मंगळवारी QUAD ची परिषद (QUAD Summit) होणार आहे. यावेळी ऑस्ट्रेलियाचे नवे पंतप्रधान अँथनी अल्बानीज (Australia New PM Anthony Albanese) यांची भेट घेणाऱ्या पहिल्या जागतिक नेत्यांमध्ये पंतप्रधान नरेंद्र मोदींचा (PM Modi) समावेश असेल. कारण, अल्बानीज यांनी स्वतः पंतप्रधान मोदींची भेट घेणार असल्याचे सांगितले. याबाबत एएफपीने उत्तर दिले आहे.
ऑस्ट्रेलियातील सार्वत्रिक निवडणुकीत अल्बानीज यांच्या लेबर पार्टीने कंझर्व्हेटीव्ह पक्षाचा पराभव केला. त्यानंतर पंतप्रधान मोदींनी अल्बानीज यांचे अभिनंदन केले. ऑस्ट्रेलियन लेबर पार्टीच्या विजयाबद्दल नवीन पंतप्रधानांचे अभिनंदन. आपल्या सर्वसमावेशक धोरणात्मक भागीदारी अधिक बळकट करण्यासाठी आणि इंडो-पॅसिफिक प्रदेशातील संबंध टिकविण्यासाठी आपण काम करुयात, असं मोदींनी ट्विट करत म्हटलं आहे.
निवडणुकीतील विजयानंतर अल्बानीज यांनी देखील माध्यमांसोबत संवाध साधला. भारताचे पंतप्रधान मोदी, अमेरिकेचे अध्यक्ष जो बायडन आणि जपानचे पंतप्रधान फुमियो किशिदा यांच्याशी अल्बानीज भेट घेणार आहेत. हवामान बदलाबाबत धोरणात काही बदल केले जातील. ऑस्ट्रेलियाचे जगासोबत संबंध या विषयांवर या परिषदेत चर्चा होणार आहे, असं अल्बानीज यांनी सांगितलं.
शिखर परिषदेत कोविड नंतरची परिस्थिती, आरोग्य सुरक्षा, हवामान कृती, टिकाऊ पायाभूत सुविधा प्रकल्प आणि लवचिक पुरवठा साखळी तयार करणे यासह अनेक मुद्द्यांवर लक्ष केंद्रित करणे अपेक्षित आहे, असं परराष्ट्र सचिव विनय क्वात्रा यांनी सांगितलं होतं. दरम्यान,ऑस्ट्रेलियाचे माजी पंतप्रधान स्कॉट मॉरिसन यांच्या कार्यकाळात भारत आणि ऑस्ट्रेलियाने दोन्ही देशांमधील संबंध मजबूत करण्यासाठी महत्त्वपूर्ण करारांवर स्वाक्षरी केली. भारत आणि ऑस्ट्रेलियाने 2 एप्रिल रोजी व्यापार करारावर स्वाक्षरी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
