PM मोदींचा अमेरिका दौरा; पहिल्याच दिवशी उद्योगपतींशी चर्चा

PM मोदींचा अमेरिका दौरा; पहिल्याच दिवशी उद्योगपतींशी चर्चा

वॉशिंग्टन : अमेरिकेच्या दौऱ्यावर आलेले पंतप्रधान नरेंद्र मोदी यांनी आज त्यांच्या भरगच्च कार्यक्रमाला सुरुवात केली. दौऱ्याच्या पहिल्याच दिवशी त्यांनी पाच विविध महत्त्वाच्या क्षेत्रांमधील आघाडीच्या कंपन्यांच्या प्रमुखांची भेट घेतली आणि भारतात असलेल्या संधींबाबत त्यांना माहिती दिली.

आजच्या बैठकीला ‘क्वालकॉम’,‘ॲडोब’, ‘फर्स्ट सोलार’, ‘जनरल ॲटोमिक्स’ आणि ‘ब्लॅकस्टोन’ या कंपन्यांचे मुख्य कार्यकारी अधिकारी उपस्थित होते. यापैकी शंतनु नारायण (ॲडोब) आणि विवेक लाल (जनरल ॲटोमिक्स) हे भारतीय वंशाचे आहेत. भारत सरकारने डिजीटल तंत्रज्ञानाच्या विकासावर विशेष भर दिला असल्याने माहिती तंत्रज्ञान क्षेत्रातील नारायण यांचा बैठकीतील समावेश महत्त्वाचा होता. जनरल ॲटोमिक्स ही कंपनी लष्करी ड्रोन तंत्रज्ञानात आणि निर्मितीमध्ये जगात अग्रेसर आहे. तिन्ही सेनादलांसाठी ड्रोन खरेदी करण्याचा भारत सरकारचा विचार असल्याने विवेक लाल यांच्याशी याबाबतच्या चर्चेला महत्त्व आले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com