तोपर्यंत ट्वीटर खरेदी पुढे जाणार नाही; मस्क मागणीवर ठाम

मायक्रोब्लॉगिंग वेबसाईट 'ट्विटर' प्रसिद्ध उद्योगपती एलॉन मस्क (Elon Musk) विकत घेणार असल्याची चर्चा गेल्याकाही दिवसांपासून चर्चेत आहे. पण ट्विटर विकत घेण्याची ही डील तात्पुरती स्थगित करण्यात आल्याचे मस्क यांनी काही दिवसांपूर्वी स्पष्ट केले होते. त्यानंतर आता मस्क यांनी ट्वीटरवरील (Tweeter) पाच टक्क्यांपेक्षा कमी खाती बनावट असल्याची खात्री दिल्याशिवाय ट्विटरची खरेदी पुढे जाणार नसल्याचे म्हटले आहे. त्यामुळे ट्वीटरची मालकी मस्क यांच्याकडे येण्यासाठी आणखी काही काळ वाट पहावी लागणार असल्याचे स्पष्ट झाले आहे. (Elon Musk On Tweeter Perches Deal )

मस्क यांची नेमकी मागणी काय?

ट्विटरवर सध्या 5 टक्क्यांहून कमी स्पॅम आणि बनावट अकाऊंट्स आहेत, या अकाऊंट्सची माहिती अद्याप ट्विटरकडून आपल्या टीमला मिळालेली नाही. त्यामुळे ट्विटर खरेदीची डील तात्पुरती स्थगित करण्यात आली असल्याचे मस्क यांनी काही दिवसांपूर्वी स्पष्ट केले होते. मस्क यांच्या या निर्णयानंतर याचा परिणाम शेअर मार्केटमध्येही दिसून आला होता. एवढेच नव्हे तर, यामुळं ट्विटरचे शेअर्स प्रीमार्केट ट्रेडिंगमध्ये १७ टक्क्यांनी घसरले होते.

44 अब्ज डॉलरमध्ये डील

दरम्यान, काही दिवसांपूर्वी एलॉन मस्क यांनी ४३ अब्ज डॉलर्स किंमतीला ट्विटर खेरदी करण्याचा प्रस्ताव ठेवला होता. यावरून बराच वादही झाला होता. पण काही दिवसांपूर्वीच ट्विटरने त्यांच्या या प्रस्तावाबद्दल विचार करत अखेर ४४ अब्ज डॉलर्स किमतीला मस्क यांनी ट्विटर खरेदी केलं.

...म्हणून जो बायडेन राष्ट्राध्यक्ष झाले; मस्क यांचे खोचक ट्वीट

एलॉन मस्क (Elon Musk) ट्विटरवर सामाजिक आणि राजकीय विषयांवर आपले मत नेहमी मांडत असतात. त्यातीलच एका ट्वीटवर सध्या जोरदार चर्चा सुरू आहे. यावेळी मस्क यांनी अमेरिकेचे राष्ट्राध्यक्ष जो बायडेन (Joe Biden) यांच्याबद्दल ट्वीट केले आहे. यामध्ये त्यांनी अमेरिकेच्या राष्ट्राध्यक्षांची खिल्ली उडवली असून, लोकांना कमी ड्रामा हवा होता, म्हणून बायडेन यांची अध्यक्षपदी निवड झाल्याचे खोचक ट्वीट मस्क यांनी केले होते.