Reliance Industries: रिलायन्सचा अमेरिकेत तेलशुद्धीकरण प्रकल्प; डाेनाल्ड ट्रम्प यांची घोषणा, ३०० अब्ज डॉलरचा करार

वॉशिंग्टन/नवी दिल्ली : भारताचे अब्जाधीश उद्योगपती मुकेश अंबानी यांचा रिलायन्स उद्योगसमूह अमेरिकेत भागीदारी तत्त्वावर नव्या तेलशुद्धीकरण प्रकल्पात भागीदारी करणार आहे. ही घोषणा अमेरिकेचे अध्यक्ष डोनाल्ड ट्रम्प यांनी केली..ट्रम्प यांनी हा सुमारे ३०० अब्ज डॉलरचा ऐतिहासिक करार असल्याचे म्हटले आहे. हा अमेरिकेतील सर्वात मोठा तेलशुद्धीकरण प्रकल्प ठरेल, असेही त्यांनी सांगितले. हा प्रकल्प ‘अमेरिका फर्स्ट रिफायनिंग’ (एएफआर) या कंपनीचा असून, तो टेक्सासमधील ब्राउन्सव्हिले येथे उभारला जाईल..हा प्रकल्प पूर्णपणे अमेरिकन तेलाचे शुद्धीकरण करण्यासाठी तयार केला आहे. ‘रिलायन्स’ने या प्रकल्पातून तयार होणारे इंधन खरेदी करण्यासाठी २० वर्षांचा दीर्घकालीन करार केला आहे. प्रकल्पाची सुरुवात २०२६ च्या दुसऱ्या तिमाहीत अपेक्षित आहे. उद्योगतज्ज्ञांच्या मते या प्रकल्पाची किंमत सुमारे चार ते पाच अब्ज डॉलर असू शकते..१९७७ नंतर अमेरिकेत उभारला जाणारा हा पहिला मोठा तेलशुद्धीकरण प्रकल्प ठरणार आहे. नव्या करारानुसार सुमारे १.२ अब्ज पिंप ‘अमेरिकन लाईट शेल ऑइल’ची खरेदी व प्रक्रिया होणार असून सुमारे ५० अब्ज गॅलन शुद्धीकरण केलेली उत्पादने तयार केली जातील..Oil Refinery: युद्ध सुरू असताना ट्रम्प यांची 300 अब्ज डॉलरच्या तेल रिफायनरीची घोषणा! अंबानींच्या रिलायन्सचे मानले आभार; कारण काय?.‘रिलायन्स’कडे गुजरातमधील जामनगर येथे जगातील सर्वात मोठ्या तेलशुद्धीकरण प्रकल्पांपैकी एक प्रकल्प आहे. अमेरिकेत ऊर्जा व्यापार, तंत्रज्ञान भागीदारी आणि गुंतवणुकीद्वारे ‘रिलायन्स’र आधीपासूनच लक्षणीयरीत्या सक्रिय आहे. ट्रम्प यांच्या मते या प्रकल्पामुळे अमेरिकेचा व्यापार तुटीचा ताळेबंद सुधारण्यास मदत होईल तसेच ऊर्जा उत्पादन आणि रोजगार वाढतील.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.