Putin Gift to Kim Jong
Putin Gift to Kim JongeSakal

Russian Gift to Kim Jong : पुतीन यांनी किम जोंग उनला पाठवलं खास 'रशियन' गिफ्ट काय आहे ? चक्क 'यूएन'चे नियमही तोडले..

UN restrictions on Russia and North Korea : संयुक्त राष्ट्रांनी रशिया आणि उत्तर कोरियामध्ये कोणत्याही प्रकारच्या घेवाण-देवाणीवर बंदी जाहीर केली आहे.
Published on

Vladimir Putin Gifts Russian Car to Kim Jong Un : रशियाचे अध्यक्ष व्लादिमीर पुतीन यांनी उत्तर कोरियाचे हुकूमशाह किम जोंग उन यांना एक खास गिफ्ट पाठवलं आहे. या गिफ्टसाठी पुतीन यांनी चक्क संयुक्त राष्ट्रांच्या नियमांची देखील पर्वा केलेली नाही हे विशेष. पुतीन यांनी किम जोंग यांना एक रशियन बनावटीची कार गिफ्ट केली आहे. ही कार त्यांनी खासगी वापरासाठी दिली आहे.

संयुक्त राष्ट्रांनी रशिया आणि उत्तर कोरियामध्ये कोणत्याही प्रकारच्या घेवाण-देवाणीवर बंदी जाहीर केली आहे. त्यात आता पुतीन यांनी गिफ्ट दिल्यामुळे यूएनच्या नियमांचं उल्लंघन होण्याची शक्यता असल्याचं आंतरराष्ट्रीय माध्यमांनी म्हटलं आहे. (UN restrictions on Russia and North Korea)

केसीएनए या मीडिया एजन्सीने दिलेल्या माहितीनुसार, पुतीन (Vladimir Putin) यांनी 18 फेब्रुवारीलाच ही कार किम जोंग (Kim Jong Un) यांना दिली आहे. गेल्या वर्षी सप्टेंबर महिन्यात किम जोंग हे रशिया दौऱ्यावर होते. यावेळी त्यांनी पुतीन यांच्या 'ऑरस लिमोसिन' (Aurus Limousine) या कारचं भरपूर कौतुक केलं होतं. यामुळे आता पुतीन यांनी अशीच कार किम जोंग यांना गिफ्ट केली असल्याचं म्हटलं जात आहे.

Putin Gift to Kim Jong
Vladimir Putin Net Worth : इलॉन मस्क अन् जेफ बेझोसपेक्षा श्रीमंत आहेत व्लादिमीर पुतीन? नेमकी किती आहे संपत्ती?

पुतीन यांनी नेमकी कोणती कार (Vladimir Putin Car) गिफ्ट केली आहे, याबाबत अद्याप अधिकृत माहिती समोर आलेली नाही. मात्र, ही कार ऑरिस कंपनीचीच असल्याचं म्हटलं जात आहे. या कंपनीच्या गाड्यांची किंमत सुमारे चार कोटी रुपयांपासून सुरू होते. एकूणच पुतीन यांनी आपल्या मित्राला अगदी महागडं गिफ्ट दिल्याची चर्चा सुरू आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com