रशियाचा युक्रेनमधील शाळेवर बॉम्ब हल्ला; ६० जणांच्या मृत्यूची भीती

रशियन सैन्याने पूर्व युक्रेनमधील लुहान्स्क भागातील शाळेवर बॉम्बहल्ला केला. या हल्ल्यात ६० जणांचा मृत्यू झाल्याची भीती व्यक्त करण्यात येत आहे. रशियन सैन्याने शनिवारी दुपारी बिलोहोरीयेव्का येथील शाळेवर बॉम्ब टाकला (bombing) आणि इमारतीला आग लावली. सुमारे ९०० लोक येथे आसरा घेत होते, असे गव्हर्नर सेर्ही गैडाई यांनी सांगितले. (Russian school bombing in Ukraine)

आग सुमारे चार तासांनंतर आटोक्यात आणण्यात आली. त्यानंतर ढिगारा हटवण्यात आला. दुर्दैवाने दोन मृतदेह सापडले. ३० जणांना ढिगाऱ्यातून बाहेर काढण्यात आले. त्यापैकी सात जण जखमी झाले आहेत. इमारतीच्या ढिगाऱ्यात साठहून अधिक लोक मारले जाण्याची शक्यता आहे, असे गदई यांनी टेलिग्राम मेसेजिंग ॲपवर लिहिले आहे.

रशियन (Russia) सैन्याने शनिवारी दक्षिण युक्रेनमधील ओडेसा शहरावर क्रूझ क्षेपणास्त्रे डागली आणि मारिओपोलमधील वेढलेल्या स्टील प्लांटवर बॉम्बफेक (bombing) केली. रशिया विजय दिनाच्या सोहळ्यापूर्वी हे बंदर ताब्यात घेईल अशी अपेक्षा आहे. अधिकाऱ्यांनी सांगितले की, प्लांटमधील शेवटचे वाचलेले महिला, मुले आणि वृद्ध होते. परंतु, युक्रेनियन (Ukraine) सैनिक तेथेच अडकले होते.

अल्पवयीन मुलीचे अपहरण; तिघांनी दोन दिवस केला आळीपाळीने बलात्कार

युक्रेनियन (Ukraine) नेत्यांनी असा इशारा दिला आहे की, ७७ वर्षांपूर्वी नाझी जर्मनीच्या पराभवाचा उत्सव साजरा करण्यासाठी सोमवारच्या विजय दिनाच्या पार्श्वभूमीवर रशियन स्ट्राइक आणखी मोठे होतील. राष्ट्राध्यक्ष वोलोडिमिर झेलेन्स्की यांनी लोकांना हवाई हल्ल्यांकडे लक्ष देण्याचे आवाहन केले. रशियाचे (Russia) अध्यक्ष व्लादिमीर पुतिन यांनी युक्रेनविरुद्धच्या त्यांच्या अनाठायी आणि क्रूर युद्धाचे समर्थन करण्यासाठी इतिहासाचे विकृतीकरण करण्याचा प्रयत्न केल्याचा आरोप अमेरिकेचे परराष्ट्र मंत्री अँटनी ब्लिंकन यांनी केला आहे.