लंडन: साहित्यिक व ज्योतिषीज्ञ विश्वनाथ माधव जोशी यांचे नुकतेच फ्रीमोंट (कॅलिफोर्निया,अमेरिका) येथे अल्पशा आजाराने निधन झाले. ते 89 वर्षांचे होते. त्यांच्या मागे पत्नी, मुलगा, मुलगी, सून, जावई, नातवंडे असा परिवार आहे.
जोशी यांचे 2001 पासून लंडन (मुलीकडे), अमेरिका व भारत असे त्रिस्थळी त्यांचे वास्तव्य होते. वि. मां. चा पिंड हा मुळात कवीचा. "अक्षरे वेचिता वेचिता" या काव्यसंग्रहाव्यतिरिक्त, "चोरांचा बाजार", "प्रित आपुली" ही नाटके, चार एकांकिका, अलविदा (कादंबरी), "जावे त्याच्या वंशा" (शाहीर साबळे आत्मकथन), "लंडन लिंक" ही त्यांची साहित्यिक ग्रंथसंपदा. वि. मां.चा ज्योतिषाचाही अभ्यास दांडगा होता व त्या विषयावरील "ग्रह आदेश-व्यवसाय मार्गदर्शन" व "ग्रहाच्या प्रकाशात कलावंत" ही त्यांची दोन पुस्तके प्रकाशित झाली. "ब्रह्मज्ञान" व "नक्षत्राचे देणे" या ज्योतिष्य विषयावरील नियतकालिकात त्यांचे अनेक लेख प्रसिद्ध झाले. त्यांच्या "जावे त्याच्या वंशा" या शाहीर साबळे यांच्या आत्मकथनाचे प्रकाशन शिवसेनाप्रमुख दिवंगत बाळासाहेब ठाकरे यांच्या हस्ते झाले होते.
लंडनमधील वास्तव्यात महाराष्ट्र मंडळ लंडनच्या अमृत महोत्सवी स्मरणिका "अमृतवाणी" चे यशस्वी संपादन त्यांनी आपल्या लेखिका पत्नी नलिनी जोशी यांच्याबरोबर संयुक्तपणे केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.