पगार बावीसशे पौंड; मास्कसाठी नऊशे पौंड

कैरो - ‘माझे वेतन बावीसशे इजिप्शीयन पौंड आहे, तर सहा जणांच्या कुटुंबासाठी दररोज ३० पौंड या हिशेबाने मला दरमहा नऊशे पौंड मास्कसाठी मोजावे लागतील. हा खर्च मला कसा झेपणार,’ असा प्रश्न एस्साम सईद याने केला.

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे  क्लिक करा

कैरोच्या दक्षिणेतील बेनी स्युएफ येथील शिक्षण संचालनालयात तो नोकरी करतो. त्याच्यासारखाच हा प्रश्न अनेकांसमोर आहेत. सार्वजनिक ठिकाणी मास्क घालणे सरकारने सक्तीचे केले आहे. अन्यथा तब्बल चार हजार पौंड दंड ठोठावला जाईल असा इशारा दिला आहे. शनिवारपासून हा नियम लागू झाला आहे. त्यामुळे लाखो गरीब लोक चिंतेत पडले आहेत.

धक्कादायक ! कोरोनानंतर इबोलाचा नव्याने उद्रेक; चार जणांचा मृत्यू

मध्य कैरोमधील एका दुकानात मास्क घालून थांबलेल्या आयसीस या युवकाने सांगितले की, ‘मास्कचा नियम सुरवातीपासून लागू होणे अपेक्षित होते. त्यामुळे लोक शिस्त पाळण्यास शिकले असते. आमच्या देशाला शिस्तीची गरज आहे.’

कोरोनामुळे फिरले लोकांचे डोके; मानसिक आजारांच्या सुनामीचा धोका

ईजिप्तमध्ये सुमारे २५ हजार रुग्ण व ९५० मृत्यू अशी कोरोनाची आकडेवारी आहे. गेल्या आठवड्यात ईदनंतर रुग्णांच्या संख्येत बरीच वाढ होऊ लागली.