काबूल : पंजशीर प्रांतात तालिबानच्या विरोधात उभे ठाकलेल्या नॅशनल रेझिस्टन्स फोर्सने (एनआरएफ) व्यूहात्मक माघार घेतल्याचा दावा केला आहे. ६० टक्के भाग अजूनही आपल्या नियंत्रणात असल्याचे त्यांचे म्हणणे आहे. लवकरच प्रतिआक्रमण करू असा इशाराही त्याने दिला.
‘एनआरएफ’चा नेता अली नझारी याने एका परदेशी संकेतस्थळाला माहिती दिली. त्यानुसार पंजशीर खोऱ्याची भौगोलिक रचना अत्यंत गुंतागुंतीची आहे. तेथे हल्ला करणाऱ्या कोणत्याही एका आक्रमकास पूर्ण भाग ताब्यात घेणे अशक्य असते, कारण अनेक लहान खोऱ्यांचा यात समावेश आहे, ज्यातील ६० ते ६५ टक्के लहान खोऱ्यांवर आणि व्यूहात्मक ठिकाणांवर आमचे अजूनही नियंत्रण आहे, असेही त्याने ठामपणे सांगितले. हा प्रांत गमावल्याचा दावा त्याने खोडून काढला. तालिबानचे मोठे नुकसान झाल्याचे त्याने नमूद केले.
तो पुढे म्हणाला की, पंजशीरमधील सध्याची परिस्थिती बातम्यांच्या तुलनेत जास्त गुंतागुंतीची आहे. तालिबानने पंजशीरमधील केवळ मुख्य मार्ग ताब्यात घेतला आहे. प्रांताचे केंद्र त्यापासून जवळ आहे. त्यामुळेच तालिबान्यांना कार्यालयावर त्यांचा झेंडा फडकावता आला.
मसूद, सालेह देशातच
पंजशीरचा नेता अहमद शाह मसूद आणि माजी उपाध्यक्ष अम्रुल्लाह सालेह हे अजूनही अफगाणिस्तानमध्येच असल्याचे सत्तेवरून हटविण्यात आलेल्या सरकारचे अधिकारी झहीर अघबार यांनी सांगितले. या दोघांनी ताजिकिस्तानला पलायन केल्याचे वृत्त होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.