Attack On Temple : खलिस्तानी समर्थकांकडून स्वामीनारायण मंदिराची तोडफोड

Swami Narayan Temple : ऑस्ट्रेलियातील मेलबर्न येथील BAPS स्वामीनारायण मंदिरात तोडफोड केल्याची घटना समोर आली आहे.

हे ही वाचा : गुंतवणूक करताना ‘हम होंगे कामयाब, पूरा है विश्वास!’...पण कसे? घ्या जाणून

मीडिया रिपोर्ट्सनुसार, खलिस्तान समर्थकांनी 12 जानेवारीला सकाळी मेलबर्नच्या उत्तरेकडील उपनगरातील मिल पार्कमधील BAPS स्वामीनारायण मंदिरावर हल्ला करत तोडफोड केली. हल्लेखोरांनी मंदिराच्या भिंतींवर भारताविरोधात घोषणाही लिहिल्याचे सांगितले जात आहे.

या घटनेनंतर मंदीर प्रशासनाकडून एक निवेदन जारी करण्यात आले आहे. ज्यात या घटनेचा निषेध करण्यात आला आहे. "आम्हाला या घटनेमुळे दुःख आणि धक्का बसला असून, आम्ही शांतता आणि सौहार्दासाठी आम्ही प्रार्थना करतो. लवकरच या घटनेबद्दल अधिक तपशील शेअर केले जातील असे मंदीर प्रशासनाकडून स्पष्ट करण्यात आले आहे.

प्रार्थनास्थळांविरुद्ध कोणत्याही प्रकारचा द्वेष आणि तोडफोड अस्वीकार्य असल्याचे म्हणत हिंदू कौन्सिल ऑफ ऑस्ट्रेलियाचे अध्यक्ष मकरंद भागवत यांनी निषेध व्यक्त केला आहे. गुन्हेगारांवर कडक कारवाई करण्याची मागणीही भागवत यांनी केली आहे.

धार्मिक द्वेषाला जागा नाही

दुसरीकडे नॉर्दर्न मेट्रोपॉलिटन रिजनचे खासदार इव्हान मुलहोलँड म्हणाले की, ही तोडफोड ऑस्ट्रेलियातील शांतताप्रिय हिंदू समुदायासाठी अत्यंत दुःखद आहे. अशा धार्मिक द्वेषाला येथे स्थान नसल्याचे त्यांनी म्हटले आहे.