Facebook वर 50 दशलक्ष युरोचा दंड, ब्रिटन सरकारची कारवाई

ब्रिटनने सोशल मीडिया वेबसाइट फेसबुकला मोठा दंड ठोठावला आहे. वापरकर्त्यांची माहिती सुरक्षित न ठेवल्याप्रकरणी ब्रिटनने मार्क झुकरबर्गच्या फेसबुकवर ही कडक कारवाई केली आहे. ब्रिटनने सोशल मीडिया कंपनीला 50 दशलक्ष युरो पेक्षा जास्त दंड ठोठावल्याची माहिती मिळत आहे.

फेसबुकने जाणीवपूर्वक उल्लंघन केले: सीएमए

जीआयएफ (GIF) प्लॅटफॉर्म जीफी (Giphy) खरेदी केल्यानंतर तपासादरम्यान नियामक आदेशाचे उल्लंघन केल्याबद्दल फेसबुकवर हा दंड लावण्यात आला आहे. स्पर्धा आणि बाजार प्राधिकरणाने (CMA) फेसबुकवर ठपका ठेवत हे जाणीवपूर्क केल्याचे सांगितले. त्यामुळे दंड लावणे आवश्यक असल्याचे स्पष्टीकरण दिले.