Ukraine Russia War : "रशियाविरोधात लढणार असाल तर तुरुंगातून होईल सुटका"; झेलेन्स्कींची कैद्यांना ऑफर | Sakal
sakal

बोलून बातमी शोधा

Ukraine President
"रशियाविरोधात लढणार असाल तर तुरुंगातून होईल सुटका"; झेलेन्स्कींची कैद्यांना ऑफर

"रशियाविरोधात लढणार असाल तर तुरुंगातून होईल सुटका"; झेलेन्स्कींची कैद्यांना ऑफर

कीव : रशियाविरोधात लढण्यास (Ukraine Russia War) तयार असल्यास युक्रेनमधील कैद्यांची (Ukraine prisoners) तुरुंगातून सुटका करण्यात येईल, अशी थेट ऑफरच युक्रेनचे राष्ट्राध्यक्ष वोलोदिमिर झेलेन्स्की यांनी कैद्यांना दिली आहे. रॉयटर्सनं याबाबत वृत्त दिलं आहे. (Ukraine Volodymyr Zelensky says Ukraine will release prisoners if willing to join fight against Russia)

युक्रेनच्या तुरुंगात असलेल्या ज्या कैद्यांना लष्करी कारवायांचा अनुभव आहे, असे कैदी रशियाविरोधात लढण्यास इच्छुक असल्यास त्यांची तुरुंगातून सुटका करण्यात येईल, असं झेलेन्स्की यांनी आपल्या निवदेनात म्हटलं आहे. त्याचबरोबर त्यांनी रशियाच्या सैनिकांनीही आवाहन केलं की, "आपला जीव वाचवा आणि युक्रेनमधून माघारी फिरा"

हेही वाचा: 'लिव्ह इन'बाबत रुढीवादी समाजाचा दृष्टीकोन बदलण्याची गरज - हायकोर्ट

दरम्यान, या लढाईत रशियाचे राष्ट्राध्यक्ष व्लादिमिर पुतिन यांनी रशियन अण्वस्त्र दलांना हाय अलर्टवर राहण्याचा आदेश दिला आहे. यामुळं पूर्व आणि पश्चिम जगात तणावाचं वातावरण निर्माण झालं आहे. तर दुसरीकडे युक्रेनचे सर्वसामान्य लोकही रशियन सैनिकांविरोधात रस्त्यावर उतरले आहेत. दोन दिवसांपूर्वीच रशियन सैनिकांशी लढण्यासाठी सर्वसामान्य नागरिकांना मैदानात उतरण्याचं आवाहन राष्ट्राध्यक्ष झेलेंन्स्की यांनी केलं होतं. यानंतर युक्रेनच्या नागरिकांनीही हातात हत्यारं घेतली असून रशियन सैनिकांशी दोन हात करत आहेत.

Web Title: Ukraine Volodymyr Zelensky Says Ukraine Will Release Prisoners If Willing To Join Fight Against Russia

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top