युक्रेनमधील अमेरिकन नागरिकांनी 24 ते 48 तासांच्या आत युक्रेन सोडावं असं आवाहन अमेरिकेनं (America) दिला. रशिया आता युक्रेनवर कधीही हवाई हल्ले करू शकतो अशी शक्यता व्हाईट हाऊसने (White House) शुक्रवारी वर्तवली आहे. रशिया आणि युक्रेनमधील (Ukraine) वाद टाळण्याचे सर्व प्रयत्न अयशस्वी होताना दिसत आहेत. यामुळेच अमेरिकेने आपल्या नागरिकांना तात्काळ युक्रेन सोडण्यास सांगितलं आहे. सध्याची परिस्थिती पाहता येत्या काही दिवसांत काहीतरी मोठ्या घटना घडतील अशी शक्यता निर्माण झाली आहे.
रशिया आणि युक्रेन या दोन देशांमध्ये युद्ध झालं तर तो मुद्दा फक्त तेवढ्या पुरता मर्यादित राहणार नाही. हे युद्ध महायुद्ध व्हायला वेळ लागणार नाही. अमेरिकेसह पाश्चात्य देश या लढाईत युक्रेनला पाठिंबा असून, चीनची रशियाला साथ असल्याचं समजतंय. रशियाकडून होणाऱ्या संभाव्य हल्ल्याची वाढती भीती लक्षात घेऊन अमेरिकेचे राष्ट्राध्यक्ष जो बायडेन यांनी आपल्या नागरिकांना युक्रेन सोडण्यास सांगितलं आहे. एएफपी या वृत्तसंस्थेनुसार, बायडेन म्हणाले की, अमेरिकन नागरिकांनी लवकरात लवकर युक्रेन सोडावं. युक्रेनमध्ये रशियन आक्रमणाचा धोका लक्षात घेऊन राष्ट्राध्यक्ष बिडेन यांनी हे आवाहन केलं आहे. विशेष म्हणजे, युक्रेनवर हल्ला झाल्यास रशियाला मोठं नुकसान सहन करावं लागेल, असा इशाराही अमेरिकेनं दिला होता, मात्र या इशाऱ्याचा फारसा फायदा झाला नाही.
दरम्यान, त्याचवेळी ब्रिटनचे पंतप्रधान बोरिस जॉन्सन यांनी गुरुवारी सांगितलं की, युक्रेनचं हे संकट गेल्या काही दशकांमध्ये झालेल्या वादांपैकी युरोपमधील एक मोठा वाद आहे. ब्रिटनकडून आपल्या रशियातील राजदुतांच्या माध्यमातून रशियाशी चर्चा करण्याचा देखील प्रयत्न केला मात्र आता रशिया आता 'पाश्चिमात्य देशांचे सल्ले ऐकण्याच्या इच्छा नाही' अशीच भुमिका रशियाने घेतल्याचं दिसून येतंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
