US Tariff Bill : अमेरिकेत रशिया संबंधित विधेयक मंजूर; भारतावर १००% टॅरिफचे संकट, तणाव वाढण्याची शक्यता

Why Russia Oil Imports Are Triggering Tariff Action : अमेरिकेच्या टॅरिफ बॉम्बचा झटका भारतासह जगभरातील अनेक देशांना बसलेला असतानाच आता रशियाशी संबंधित परिस्थितीमुळे भारतासमोर आता आणखी एका मोठ्या टॅरिफचे संकट उभे राहिले आहे. अमेरिकेत रशियावर कठोर निर्बंध लादणारे विधेयक बुधवारी मंजूर करण्यात आले, ज्यामुळे भारतावर १००% पर्यंत आयात शुल्क लादले जाण्याचा धोका निर्माण झाला आहे. अमेरिकेच्या सिनेटने मंजूर केलेले हे विधेयक जर कायद्यात रूपांतरित झाले, तर भारताला अमेरिकेच्या आणखी एका मोठ्या टॅरिफच्या झटक्याला सामोरे जावे लागू शकते आणि यामुळे दोन्ही देशांमधील तणाव वाढण्याची शक्यता आहे.