लंडन : इंग्लंडमधील एका प्रमुख मेडिकल ऑफिसरने एक नवा दावा केला आहे, जो आता चर्चेस कारण ठरत आहे. त्यांनी म्हटलंय की, कोरोनाची लस घेतल्यानंतरही लोकांना कोरोनाचे संक्रमण होण्याचा धोका आहे. कारण लस दिल्यानंतर प्रतिकार शक्ती शरिरात निर्माण व्हायला कमीतकमी तीन आठवड्यांचा कालावधी लागू शकतो. यासाठी लोकांनी लॉकडाऊनच्या नियमांचे सक्तीने पालन करणे आवश्यक आहे. इंग्लंडचे उपमुख्य चिकित्सा अधिकारी जोनाथन वॅन-टॅम यांनी म्हटलं की आतापर्यंत या गोष्टीचा कसलाही पुरावा उपलब्ध झाला नाहीये की, लस दिल्यानंतर त्या व्यक्तीपासून दुसऱ्या व्यक्तीला कोरोनाचे संक्रमण होणारच नाही.
पुढे त्यांनी म्हटलं की, कुणाला लस मिळाली असो अगर नसो, मात्र, कोरोनाच्या सर्व नियमांचे पालन कसोशिने होणे गरजेचे आहे. कारण लस घेतल्यानंतर तिची सुरक्षा प्राप्त व्हायला तीन आठवड्यांचा कालावधी लागतो. आतापर्यंत आपल्याला याची माहिती नाहीये की, लसीकरणाचा व्हायरसच्या प्रसारावर काय फरक पडतो. ब्रिटनमध्ये एकीकडे नव्या कोरोनाचे थैमान वाढत असतानाच त्यांचं हे वक्तव्य महत्त्वपूर्ण मानलं जात आहे. गेल्या आठ डिसेंबरपासून इंग्लंडमध्ये लसीकरणाच्या मोहिमेस सुरवात करण्यात आली होती.
ब्रिटनमध्ये कोरोना मृतांची एकूण संख्या 97,329 वर गेली आहे. तर सध्या दररोज सुमारे 1300 हून अधिक रुग्णांचा मृत्यू होत आहे. जोनाथन वॅन-टॅम यांनी म्हटलं की देशात 32 लसीकरणाची केंद्रं बनवली जातील. ब्रिटनमध्ये लस घेतलेल्या लोकांची एकूण संख्या 58 लाखांहून अधिक झाली आहे. सध्या ही मोहित गतीने सुरु आहे.
ब्रिटनचे आरोग्य मंत्री मॅट हॅनकॉक यांनी लोकांना लसीकरणानंतरही खबरदारी बाळगण्याचे आवाहन केलं आहे. लस भलेही रोगाला आळा घालत असेल मात्र ती रोगाच्या संक्रमणाला रोखण्यासाठी कितपत प्रभावी आहे, हे आपल्याला अद्याप माहिती नाहीये. त्यामुळे कोरोनाच्या नियमांचे कटाक्षाने पालन सर्वांनीच करणे आवश्यक आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.