‘एलटीटीई’वरील विजयाचा सोहळा साधाच

कोलंबो - तमिळ बंडखोरांना (एलटीटीई) नेस्तनाबूत करून श्रीलंका लष्कराने मिळविलेल्या विजयाचा मंगळवारी (ता. १९) अकरावा वर्धापनदिन आहे, मात्र देश कोरोना महामारीच्या विळख्यात सापडला असल्यामुळे मोठा सोहळा आयोजित करायचा नाही असे ठरले आहे.

जगभरातील बातम्या वाचण्यासाठी येथे क्लिक करा 

‘एलटीटीई’ने (लिबरेशन टायगर्स ऑफ तमिळ ईलम) सुमारे तीन दशके सशस्त्र उठाव केले होते. उत्तर आणि पूर्व प्रांत मिळून स्वतंत्र तमिळ राज्याची त्यांची मागणी होती, पण मे २००९ मध्ये लष्कराने जोरदार मोहिमेत त्यांचा खात्मा केला. त्यावर्षी १९ मे रोजी एलटीटीईचा म्होरक्‍या वेलुपिल्लई प्रभाकरन याचे प्रेत मिळाले होते.

राष्ट्रगीत, वादग्रस्त विधेयक अन् चीनच्या संसदेतील दादागिरी!

लष्करप्रमुख लेफ्टनंट जनरल शावेंद्र सिल्वा यांनी सांगितले की, समारंभ साध्या पद्धतीने होईल. मुख्य समारंभ संसदेजवळ मंगळवारी होईल. अध्यक्ष गोटाबाय राजपक्षे अध्यक्षस्थान भुषवतील. अनेक वीर जवानांचा गौरव होईल. त्यांचे निकटवर्ती उपस्थित असतील. १९ मे हा ‘हिरो दीन’ म्हणून साजरा होत असल्यामुळे १४ हजार ६१७ जणांना बढती मिळेल.

तमिळ गट मेणबत्त्या लावणार
दरम्यान, तमिळ गटांतर्फे सांगण्यात आले की, तमिळ हुतात्म्यांच्या स्मरणार्थ आम्ही मेणबत्त्या लावू. आमच्या समारंभावर लष्कर बारकाईने लक्ष ठेवून आहे.