वॉशिंग्टनमध्ये हिमवर्षाव : जनजीवन ठप्प |Blizzard | Sakal
sakal

बोलून बातमी शोधा

Blizzard
वॉशिंग्टनमध्ये हिमवर्षाव : जनजीवन ठप्प

वॉशिंग्टनमध्ये हिमवर्षाव : जनजीवन ठप्प

वॉशिंग्टन : अमेरिकेच्या (America) पूर्व भागाला हिमवादळाने (Blizzard) तडाखा दिला असून राजधानी वॉशिंग्टनसह काही शहरांमधील जनजीवन ठप्प झाले आहे. वाढत्या कोरोना संसर्गामुळे अमेरिकेत अनेक विमान उड्डाणे रद्द झाली असतानाच आता हिमवादळामुळे येथील वाहतुकीवर परिणाम झाला आहे.

हिमवादळाने अचानक तीव्र स्वरुप धारण केले असून वॉशिंग्टनमध्ये दहा इंच इतका हिमवर्षाव झाला आहे. हिमवर्षावामुळे विमान उड्डाणे रद्द झाली असून रस्ते, रेल्वे वाहतुकीवरही परिणाम झाला असल्याने नाताळची सुटी संपवून घरी परतणारे अनेक नागरिक अडकून पडले आहेत. नवीन वर्षातील कामकाजाच्या पहिल्याच दिवशी, म्हणजे सोमवारीच सुमारे पाच हजार विमान उड्डाणे खराब वातावरणामुळे रद्द करावी लागली. मेरीलँड आणि व्हर्जिर्निया या राज्यांतही काही ठिकाणी बारा इंचांपर्यंत बर्फ पडल्याची नोंद वेधशाळेने केली आहे. हिमवर्षावाचा कोरोना लसीकरण आणि चाचण्यांवरही परिणाम झाला असून अनेक केंद्र बंद करावी लागली आहेत.

हेही वाचा: निवडणुकीच्या पार्श्वभूमीवर इच्छुकांकडून कोरोना नियमांची शहरात पायमल्ली

बायडेनही अडकले

या हिमवृष्टीमुळे अध्यक्ष ज्यो बायडेन हेदेखील काही काळ त्यांच्या विमानात अडकून पडले होते. आज वॉशिंग्टनमध्ये त्यांचे ‘एअर फोर्स वन’ हे विमान उतरण्याच्या वेळेसच हिमवादळाचा वेग वाढल्याने बायडेन यांना काही काळ विमानातच थांबावे लागले. कर्मचाऱ्यांनी रस्ता थोडा मोकळा केल्यावर तशा हिमवर्षावातच ७७ वर्षांचे बायडेन बाहेर आले आणि ‘व्हाइट हाउस’कडे रवाना झाले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :global newsWashington
loading image
go to top