ऑस्ट्रेलियात पुन्हा मोठी नैसर्गिक आपत्ती; आता वादळाचा जोरदार तडाखा!

मेलबॉर्न : दोन दिवसांपासूनच्या वादळी वाऱ्यामुळे पश्‍चिम ऑस्ट्रेलियातील जनजीवन विस्कळीत झाले असून शेकडो घरे अंधारात बुडाली आहेत. पर्थ येथे आपत्कालिन यंत्रणा सक्रिय झाली असून नागरिकांना मदत करण्याच्या हालचाली सुरू झाल्या आहेत. गेल्या दशकातील सर्वात मोठे वादळ म्हणून ओळखले जात आहे. 

- कोरोनाच्या विळख्यात अडकलेल्या 'या' देशाने हटवली आपत्कालीन आणीबाणी

पश्‍चिम ऑस्ट्रेलियात १३२ किलोमीटर प्रतितास वेगाने वादळ आल्याची नोंद केप लियूविन येथे झाली. ऑस्ट्रेलियन ब्रॉडकास्टिंगच्या मते सोमवारी केप लियूविन राज्याला तडाखा देणारे पंधरा वर्षातील सर्वात मोठे वादळ ठरले आहे. या वादळाचा जोरदार फटका पश्‍चिम ऑस्ट्रेलियाला बसला आहे. परिणामी या भागातील वीजपुरवठा कोलमडून पडला आहे.

- Covid-19: 1000 मृतांची नावे पहिल्या पानावर; न्यूयॉर्क टाईम्सची ट्रम्प सरकारला चपराक

दरम्यान, पंतप्रधान स्कॉट मॉरिसन यांनी सोशल मीडियावरून नागरिकांना सजग राहण्याचे आवाहन केले असून आपत्कालिन सेवेची मदत घेण्याचे आवाहन केले आहे. वाऱ्यामुळे वीज पुरवठा ठप्प झाल्याने सध्या ५० हजाराहून अधिक नागरिक अंधारात राहत आहेत. वादळामुळे मालमत्ता हानी मोठ्या प्रमाणात झाली असून पर्थ शहरातील नुकसान अधिक असल्याचे एबीसी रेडिओने म्हटले आहे. पर्थ शहरातून आपत्कालिन विभागाला सुमारे ४०० कॉल्स आल्याचे नमूद केले आहे.

- COVID-19 सर्वाधिक प्रभावित राष्ट्रांच्या यादीत भारत दहामध्ये, पाहा कोणता देश कोणत्या क्रमांकावर?

या दरम्यान पीलबारा किनाऱ्यावरील जलवाहतूकीवर फारसा परिणाम झाला नसल्याचे सांगण्यात आले. मात्र पोर्ट ऑफ डॅमपियर येथे वेळापत्रकात बदल केला आहे. पश्‍चिम ऑस्ट्रेलियातील नामांकित तेल आणि वायू उत्पादक कंपन्या शेवरॉन कॉर्पो, वूडसाईड पेट्रोलियम आणि सॅन्टोस यांच्या कामकाजावर कोणताही परिणाम झाला नसल्याचे एबीसी रेडिओने सांगितले.

- ताज्या बातम्यांसाठी डाऊनलोड करा ई-सकाळचे ऍप