नवी दिल्ली : कोणतीही चूक करु नका; कोरोना व्हायरस हा खूप वेळ पृथ्वीवर टिकून राहणार असल्याचे सांगत जागतिक आरोग्य संघटनेने सर्वांना इशारा दिला आहे. जागतिक आरोग्य संघटनेचे प्रमुख टेड्रोस ऍधानॉम घेबरेयेसस यांनी पत्रकार परिषद घेत हा इशारा दिला आहे.
जे देश आपण कोरोनावर नियंत्रण मिळवल्याचा दावा करत होते तिथे संख्या वाढत चालली असल्याचं दिसत आहे. तसंच आफ्रिका आणि अमेरिकेतही चिंताजनक वाढ झाली आहे. तसेच, अनेक देश अद्यापही कोरोनाशी लढा देण्याच्या सुरुवातीच्या स्टेजवर असल्याचंही जागतिक आरोग्य संघटनेने म्हटलं आहे.
संयुक्त राष्ट्राच्या आरोग्य विभागाने अत्यंत योग्य वेळी ३० जानेवारी रोजी जागतिक आणीबाणी जाहीर केली होती. यामुळे अनेक देशांना तयारी करण्यासाठी तसंच करोनाशी लढा देण्यासाठी योजना तयार करण्यासाठी वेळ मिळाला असं टेड्रोस यांनी म्हटलं आहे. कोरोनासंबंधी परिस्थिती योग्य हाताळली नसल्याचा आरोप वारंवार अमेरिकेकडून जागतिक आरोग्य संघटनेवर केला जात आहे.
Coronavirus : बिल गेट्स यांच्याकडून मोदी सरकारचे कौतुक
पश्चिम युरोपमध्ये परिस्थिती स्थिर किंवा घसरत असल्याचं पहायला मिळत आहे. संख्या कमी असली तरी आफ्रिका, मध्य आणि दक्षिण अमेरिका तसंच पश्चिम युरोपमध्ये चिंता वाढवणारा ट्रेंड आहे, असंही ते म्हणाले. अनेक देश सध्या सुरुवातीच्या टप्प्यात आहेत. आणि ज्यांना आधीच फटका बसला आहे तिथे संख्या वाढत चालली असल्याचं दिसत आहे, असेही टेड्रोस यांनी म्हटले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.