Salman Rushdie: चाकू हल्ल्यानंतर अमेरिकेची पहिली प्रतिक्रिया; म्हणाले...

Salman Rushdie Attack: भारतीय वंशाचे लेखक सलमान रश्दी यांच्यावर काल रात्री प्राणघातक हल्ला करण्यात आला. या हल्ल्यामध्ये त्यांना गंभीर दुखापत झाली असून सध्या ते व्हेंटिलेटरवर असल्याची माहिती हाती येत आहे. दरम्यान, न्यूयॉर्कमध्ये झालेल्या या हल्ल्यावर अमेरिकेकडून (United States of America) पहिली प्रतिक्रिया आली आहे.

सलमान रश्दी यांच्यावर झालेला हल्ला भयावह आहे. आम्ही सर्व ते लवकरात लवकर बरे व्हावेत यासाठी प्रार्थना करत आहोत. आणि त्यांना तात्काळ मदत केल्याबद्दल आम्ही चांगल्या नागरिकांचे आभारी आहोत अशी प्रतिक्रिया अमेरिकेच्या राष्ट्राध्यक्षांचे व्हाईट हाऊसचे (White house) राष्ट्रीय सुरक्षा सल्लागार जेक सुलिव्हन यांनी दिली आहे.

कसा झाला हल्ला?

एका कार्यक्रमासाठी रश्दी निघाले होते. त्यावेळी अचानक एका व्यक्तीने समोरून धावत येत त्यांच्यावर चाकूने वार करण्यास सुरूवात केली. त्यानंतर रश्दी (Salman Rushdie) खाली कोसळले आणि त्यांना तातडीने रुग्णालयात दाखल कऱण्यात आलं. त्यांच्या लिखाणामुळे रश्दी अनेकदा वादात अडकले आहे. त्यांना अनेकदा धमक्याही आल्या होत्या. त्यामुळे त्यांना सुरक्षाही देण्यात आली होती.