Coronavirus: कोरोना अविवाहितांसाठी अधिक धोक्याचा! 

Coronavirus New Research : कोरोना विषाणूनं अख्ख्या जगाला हैराण करुन सोडले आहे. कोरोनाग्रस्तांचाआकडा हळूहळू नियंत्रणात येत असला तरी अद्यापही कोरोनाचा धोका टळलेला नाही. यासंदर्भात विविध पातळीवर अभ्यासही सुरु आहे. जे लोक अविवाहित राहण्याचा विचार करतात त्यांना कोरोनाचा अधिक  धोका संभवतो, असे नव्या अभ्यासातून समोर येत आहे. एवढेच नाही तर विवाहितांच्या तुलनेत अविवाहित लोकांमध्ये कोरोनामुळे मृत्यू ओढावण्याची शक्यताही अधिक असते, असे नव्या रिसर्चमधून समोर येते. 

काय आहे या रिसर्चमागचे नेमंक कारण 

अविवाहित लोकांची जीवनशैली ही याच मुख्य कारण असल्याचा उल्लेख अभ्यासात करण्यात आला आहे. लाइफ स्टाइलमुळे  विवाहितांच्या तुलनेत अविवाहित लोकांनी रोगप्रतिकारक क्षमता कमी असते. त्यामुळे कोरोना प्रादुर्भावाचा होण्याची अधिक भीती अशा लोकांना असते. रोग प्रतिकार शक्ती कमी असल्यामुळे अविवाहित लोकांमध्ये कोरोनाची लागण होण्याची अधिक शक्यता असते.  

एका सत्रात केवळ शंभर जणांनाच लस;केंद्राकडून लसीकरणाची तयारी सुरु​​

काही लोक विवाह का करत नाहीत?

'द नेचर' जर्नलमध्ये प्रसिद्ध झालेल्या अभ्यासानुसार, सारखे सारखे आजारी असल्यामुळे काहींच्या मानसिकतेवर परिणाम होतो. त्यामुळे आयुष्याच्या जोडीदाराबाबतचे त्यांचे आकर्षण कमी होते. विवाह आणि रिलेशनमध्ये रस नसण्यामागे हे एक कारण असू शकते.  

अविवाहितांना कोरोनाचा अधिक धोका
स्वीडन यूनिवर्सिटी ऑफ स्टॉकहोमच्या शास्त्रज्ज्ञांनी केलेल्या अभ्यासात कोरोनाची लागण झालेल्या आणि यामुळे मृत ओढावलेल्या लोकांच्या आर्थिक, सामाजिक,मानसिक आणि शारिरीक परिस्थितीसह जीवनाच्या अनेक पैलुंचा अभ्यास करुन काही निष्कर्ष काढण्यात आले आहेत. यातून अनेक गोष्टी समोर आल्या आहेत.  

देशभरातील इतर बातम्या वाचण्यासाठी येथे क्लिक करा

अशिक्षित आणि अल्प उत्पन्न गटातील लोकांनाही अधिक धोका

विवाहितांच्या तुलनेत अविवाहितांना कोरोनाची अधिक भीती आहे. याशिवाय कमी शिक्षण झालेल्या आणि उत्पन्न कमी असलेल्या लोकांनाही कोरोनाचा प्रादुर्भाव होण्याची अधिक शक्यता असते, असा अंदाज वर्तवण्यात आला आहे. हा रिसर्च संपूर्ण भारतातील लोकांना लागू होत नाही. कारण देशात शिक्षण आणि उत्पन्न आणि अविवाहित असलेल्या व्यक्तीला कुटुंबियांचे पाठबळ मिळते.  

Disclaimer: कोरोनासंदर्भातील सुरु असलेल्या वेगवेगळ्या रिसर्चमधून येणाऱ्या माहितीच्या आधारावर हा लेख लिहिलेला आहे. आरोग्यसंदर्भातील कोणत्याही समस्येसाठी कृपया आपल्या डॉक्टरांचा सल्ला घ्यावा.)